بسم الله الرحمن الرحيم
السلام عليكم خواتي العزيزات…
بنات بغيت رايكم ومشورتكم يزاكم الله خير…
عمري 26 سنة تقدملي ريال شافني في الدوام,,,,, الريال والنعم فيه خايف الله واخلاقه عاليه ومحترم ومن خلال تعاملي معاه في الدوام احس اني برتاح معاه.
بس…… هلي سألو عن الريال واهله الكل مدحهم ومدحو الريال ولكن طلع جده ابو امه اسمر واايد يعني اعتقد فاهميني…بس الريال ابدا مايبين عليه شي…اتمنى محد ياخذها بحساسية انا ماقصد شي كلنا بشر ولكن هذي عروج وانا وهلي خايفين من هذا الشي…
امي رافضه نهائيا وخواتي نصهن موافقات ويشجعوني ونصهن مترددات وخايفات من المستقبل وخايفيني اندم بعدين إذا ظهر في عيالي عرج.
الريال بعد ماعرف انه اهلي مش موافقين وعرف السبب…. ردت فعله انه مازعل ولا شي بس كلم هلي مره ثانيه وقالهم حتى لو رفضتوني100 مره برد اييكم وبين انه الريال شارني…
الريال لين الحين يحاول وانا لين الحين مش عارفه شو اسوي طبعا صليت استخاره وايد ودعيت ربي يرشدني …..الصراحة مش عارفه شو اسوي
اتمنى من الخوات يساعدوني ولو بدعاء يريحني لأني متردده
والخوات إلي مرن نفس هذي التجربه بليز لا تبخلون علي بردودكم
اختكم محتاجتنكم في هذي الظروف
وشكرا
استغفرر الله شو هالتفكير والله اعرف ربيعتي كل اهلها بيضين وحلوين بس هي الوحيده سمره وااااااااايد عادي حبوبه استخيري الله وتوكلي على الله
الله يوفقج الغالية
::
والله هالنقطة الكل يهتم فيها …بس احس يعني من بعيد …
اهم شيء ابو الريال والام …
ما ادري …
ربي يوفقج وعسي خير
السلام عليكم
عزيزتي مبين ان الريال شاريج
ودامه اخلاق وولد ناس توكلي على الله
استخيري كذا مره ولاتنظرين حق جانب بسيط مثل هذا
يعني حطي ايجابياته وسلبياته وشوفي شنو الطاغي
والله يوفقج بحياتج
" تخيروا نطفكم فان العرق دساس"
أختي انتي شو تحاتين فالسالفه …تحاتين اعيالج يطلعون سمر …ولا عشان اليد اسمر …..اذا هي سالفه عرج ميخصه العيال فالسالفه طلعوا بيض ولا سمر بالنهايه انتي رفضج ببيكون من اي ناحيه ولا موافقتج لهالانسان….يا اختي قالوا العرج دساس …بس لافرق بين عربي ولا اعجمي الا بالتقوى …كلنا بشر ياختي وانتي قلتي انه الريال والنعم فيه وبعد شارنج ……حاولي تقنعين اهلج انه اللون مب سبب ترفضين فيه هالانسان