انا بدخل فالموضوع على طول
فالليل الساعة ثلاث رن تلفون ريلي وكان يمي رن وايد الين ما سكت عقب نشيت قلت له شكله الدوام داقين عليك شاف الرقم غريب مارد عليه عقب رن مره ثانيه كانه حد مصر الا تردون
رد هو وجان يسمع صوت وحده عقب صكر واغلق تلفونه
جان اقوله خلني ارد لانها اذا سمعت صوت حرمه بتتحراه تلفوني ومابتتصل مره ثانيه قالي ماعليج منها خلنا نرقد
انا تظايقت وايد ليش هو اذا ريال دق عليه بالغلط اسمح له يرد وانا مب مسموح
الصراحه ماياني رقاد وتميت زعلانه
انا مابغيت افتح للشيطان باب بس حركته شككتني وتم يدق عليه الصبح وهو رايح الدوام وانا مارديت عليه
مابغي شي ينكد علينا حياتنا بس مابا اكون وحده من ضحايا القصص الي اقراها او اسمع عنها لاني بتحطم
لا تضايجين
يمكن صدق مايعرف الرقم
لا تخلقين مشكلة من العدم وكوني وثقة فريلج
وتسمحين بالشك لانج بتتعبين
تعوذي من ابليس وردي على ريلج
الله يبعد عنا وعنكم خرابات البيوت
امين يارب
و بالنسبه لخرابات البيوت انا اقول ان الرجل ما يبغي يخترب ما في وحده تقدر تخربه
عادي الغلا لا تضايقين شي طبيعي جي اشوف ابوي يتعامل ويا امي اي رقم غريب يرد ويلعن خيره بعد لووول
بس موبايل محد يلمسه ويسوي طاف اذا مايعرفهم واذا رد يقولهم غلطانين ويسكر وجي..
بس اهم شي اذكري الله الغاليه، وتمي ادعي بصلاتج وباوقات الاذان
وربي لا يغير عليكم ويديمكم لبعض بخير وسعاده، ولا تخلين شي بخاطرج او يوسوس قلبج وعقلج 
الغاليه مب شرط
انا ريلي دوامة شفتات
مرات ادق عليه 2 او 3 ومرات 4 الفجر
و احتمال مره اغلط
مب يعني بكون خرابة بيوت
الغاليه ثقي في ريلج وتعوذي من بليس
ولا تفتحين باب الشك والمشاكل في حياتج
وايدات يسوون هالحركه يدقون أرقام عشوائية واذا طلعت حرمة يقولون لها سوري كنا نبي نتصل على ربيعتنا و غلطنا في الرقم اما اذا كان ريال بتم تتمسكن و تتنحنح لين ما تتمكن منه
الله يحفظ لنا عيالنا وريايلنا