خذوني .. و اتركوا ناجي
للشاعر ساقي الشوق ..
وطن ضايع .. شعب يبكي .. مسحنا دمعـة عيونـه
فزعنا له .. وفا و اخلاص .. و كنا اكثر مْن اخوان
بعد رب الملا صرنـا علـى غـدر الزمـن عونـه
فتحنـا قلبنـا دار .. و لقـا فـي دارنـا احضـان
شعب عالواجب تربـى .. و مـن يومـه تعرفونـه
و من ينسى فضل زايد .. و بعده فضل بو سلطـان
غريبه كيف كـف ٍ جـاد بعـد خيـره تعضونـه !
و هل هذا جزا المعروف ؟ هل هذا جزا الإحسان ؟؟!!
غريبه كيـف مـن يقصـد بكـم خيـر ٍ تجازونـه
بفعل ٍ ما لقينا لـه اسـم لايـق سـوا النكـران !
عطوني لْفعلكم تبريـر .. ابعـرف وش تسمونـه ؟
جهاد ٍ كيف يا عالم ؟ ولا يحمـل شيـم شجعـان ؟
شجاعتكـم دفنتوهـا فـي امـس اللـي تهابـونـه
عن اللي كان فـي عهـده يقلـد هتلـر الألمـان !
و جيتوا اليـوم عالطاهـر .. تعاونتـوا تخطْفونـه
بعد ما علّقـت امـه لعرسـه زينـه عالجـدران ؟
كسرتـوا قلبهـا الليـن .. حـرام اللـي تسوونـه
حرمتوها فرح ليلة زفـاف اغلـى و اعـز انسـان
حـرام الشيـب فـي بيتـه بعـد فرحـه تبكـونـه
حرام امه تشـق الجيـب و ينـزل دمعهـا وديـان
خذوني و اتركوا ناجـي الخميـس الجـاي يزفونـه
و تنزل دمعـة الفرحـه و نمسـح دمعـة الأحـزان
ترى امه ما تذوق الزاد .. و تقضي الليل محزونـه
مـا تـدري اذا مـرتـاح ولا يشتـكـي تعـبـان
ولا تــدري اذا كنـتـوا تغـدونـه و تعشـونـه
ولا تدري اذا ف يومه يلاقـي المـاي اذا عطشـان
علمنـا يعطّـر الدنيـا اذا رفـرف علـى هـونـه
سـلام و خيـر يتغنـى و تشهـد للعلـم الــوان
شعبنا يرفعه عالي و من اقصـى الكـون يشوفونـه
حمامة سلم من يومـه ولا عـاون علـى العـدوان
عسـى الله لا يسامحـكـم اذا بكلـمـه تهينـونـه
اماراتي ولـد زايـد عزيـز و مـا انولـد ينهـان
عسـى الله لا يسامحكـم اذا بلمـسـه تضـرونـه
اماراتـي ولـد زايـد قـوي البـاس و الإيـمـان
ترى رب السما يغضب علـى اللـي مـا يخافونـه
و لكـن رحمتـه فيهـا كثيـر ابـواب للغـفـران
اذا كـان الأسـر غلطـه .. نناشـدكـم تفكـونـه
ترى ما فاتت التوبـه .. ولكـن وقتهـا قـد حـان
و اذا كـان الهـدف خطـه وراهـا شـي ترجونـه
ولا تتنفـذ و تنجـح سـوا بالجهـل و العصـيـان
خذوني و اتركوا ناجـي الخميـس الجـاي يزفونـه
خذوني .. كلمة ٍ جابت قصيـده ( كلهـا عنـوان )
منقولة لأنها عجبتني
رهيييييييييييييييييييييييييبة الكلمات والله…وحلووووووووه ماشاء الله عليج…
خزنتها عندي على طول…والله يفك أسر ناجي ويرجعه لأهله سالم غانم..يااااااااااااارب العالمين..
على فكرة قريت اليوم في الجريده إنه السفارة الإماراتيه في العراق تعرضت لإطلاق النار من قبل مجهولين لكن لم يصب أحد بأذى والحمد لله..
في النهاية أقول مثل ماقال الشاعر..غريبه كيف كـف ٍ جـاد بعـد خيـره تعضونـه !
و هل هذا جزا المعروف ؟ هل هذا جزا الإحسان ؟؟!!
غريبه كيـف مـن يقصـد بكـم خيـر ٍ تجازونـه
بفعل ٍ ما لقينا لـه اسـم لايـق سـوا النكـران !
هذا هوه يزا الاحسان؟؟؟
والله حرام الي يسوووونه —- الله يرحمك يابونا زايد — شو كنت اتسوي بهالموقف — والله اقرها و اصيح حرام — شو موقف امه و عروووستنه — والله حرام
مشكوره اختي على القصيده صدق الشاعر يوم قال
عسـى الله لا يسامحـكـم اذا بكلـمـه تهينـونـه
اماراتي ولـد زايـد عزيـز و مـا انولـد ينهـان
عسـى الله لا يسامحكـم اذا بلمـسـه تضـرونـه
اماراتـي ولـد زايـد قـوي البـاس و الإيـمـان
اللي خطفوه ما يمثلون شعب كامل يعني عضة اليد مخصوصة فيهم وهب عامة عسب نكون حقانيين مع أخوانا في الدين والعروبة في العراق
الله يفك أسره ونعوذ بالله من أمثاله هالمجرمين الخاطفين اللي ما يخافون الله في اللي يسوونه بريال طيب الله يحفظه ويرده لبيته سالم يا رب العالمين
تسلمين عزيزتي على هذا النقل
والله يرجعه سالم غانم إلى أهله ووطنه
تحياتي ودعواتي لج يا العذوب