خدامتي السيلانية وصلت فيدوني

السلام عليكم
اول امس وصلت شغالتي سيلانية مسيحية واليوم استلمتها طبعا المكتب فالطلب مكتوب مشتغلة سنتين بالسعودية وسنتين بالكويت
طلعت مشتغلة 5 مرات بالسعودية وسنتين بالكويت وسنتين و9 بالامارات انصدمت لانها مكروفة كراف وفوق ها عمرها 40 سنة
الشي الثاني وانا اطالع أغراضها شفت عندها أدوية قالتلي هذا بندول محطتنه فعلبة والدوا الثاني شكيت فيه ملفوف بورقة قلتلها مال شو قالتلي لالام البطن قلتلها أوكيه هاتيه وخذته عنها وحطيته علا التسريحة وقلتلها نظفي الغرفة ورحت عنها ولما رديت مالقيت الدوا اللي ملفوف قلتلها خذتيه قالت لا قلتلها اخاف يطيح فايد بنتي طلعيه الحين وقَعَدت ادور قلتلها دوريه باغراضج قالت انا عطيتج إياه ليش اخذه وانا شكيت انها مب صادقة قلتلها الدوا دوريه واطلعيه الحين وتمت تسوي عمرها ادور بعدين تميت علا رأسها قالت ايوه انا خذته مع انها قبل كذبت وقَعَدت ادور بأغراضها حتا بملابسها اونه انا مستحية لا تخبري بابا استغربت وقلتلها من اول مرة كذبتي ولفيتي ودّرتي علي والله بتجنن قالت اونه نحن يعطونا أبره منع حمل بس انا رفضتها لانها تسويلي نزيف وقالتلهم عطوني حبوب غير انها يايبة ارواج وأقلام تحديد والله خفت واحسها ما عجبها انه خذته عنها
والموبايل يايبة نوكيا صغير يديد اونه عندها كبير بس قالت بييب هذا بدون كاميرا احسها خاشة واحد غيره
فيدوني ارجع الها الدوا والموبايل خذته قلتلها بخذلج بطاقة وبخليج اتكلمي اهلك مرة بالأسبوع او الحاجة
فيدوني لو مكاني شو بتسوا وكيف تتصرفوا

بالنسبة للادوية ممكن تشلينهم الصيدلية بدون ماتعرف وتراوي الصيدلاني وتتأكدي ..

بس حبوب منع الحمل ؟؟؟! يديدة هاي !! اول مرة اشوف جي .. هذي والله اعلم شكلها ياية تخربط ؟! الشغالات ماظن يعطونهم شي يمنع الحمل لانها يوم اتي لازم تفحصينها عن الحمل وانتهينا مب انها اتم تصرط فحبوب منع الحمل ؟! ليش هي ناوية تحمل؟؟!
اعوذ بالله الله يعينج يختي .. مابا اقولج رديها بس استخيري ..

حرمه عوده فالاربعين
ادعي الله يسخرها لج ويكفييج من شرها
ورجعيلها دواها وتلفونها
اللي تبا تخترب حتى لو ربطيها بتخترب
ف اكسبيها بالخير مب من اولها تفتيشات واعذريها مغتربه ويعلم الله بظروفها

والله ياختيه دام انها بدت من الحين بالجذب ماعرف شقولج كانت تقدر تقولج اقدر اخذهم؟ وتاخذهم
او تاخذهن وتقول خذتهن
وبعدين شو تباحبوب الحمل ؟ شو عشانه؟
بس من كلامج احس وضعها مايطمن رديها عالمكتب وخذي غيرها لاايخلص ضمانها وتتوهقين

هذي من اولها تلف وتدور ، وحبوب منع حمل ، لازم تاخديهم وترميهم ، وكبيرة بالسن مشكلة الحين انت جربيها عندج ثلاث اشهر تجربه

بصراحة انا اتعقدت اني اخذ طلبات من المكاتب وانتظر شهر، اللي اسويه اشوف مرتجعه اخذها اجربها لو حصلتها زينه خلاص بسوي اوراقها،

مشكورات حبيباتي وما قصرتن
بالنسبة للحبوب انا علا طول عرفتهم لانه مرسوم عليهن علامة ذكر وانثا فشكيت ولا فتنهن بورقة والحبوب الثانية اونه بندول وصابتنهم فعلبة ثانية قلتلها هاتين قالت أوكيه
بس اللي قهرني ليش ردت خذتهن وانا بتخبل قلت يمكن بنتي شلتهن تلعب فيهن بعد ما تميت علا رأسها قالت انا شليتها ولا تخبري بابا انا استحي
بس ما عطيتها إياهن المشكلة انها مب معرسة وما ادري كان رجعت خذت منهن شي وصراحة ما احسها ياية تشتغل بس انا يالسة علا رأسها
امس عطيتها تعليمات تسوي الاشيا الصبح لين ما أقوم ما شفتها مطبقة كل شي
الله يستر بس
اللي عندها فكرة تفيدني