مشكلتي بالقطايف انها وااااااااااااااايد تشرب زيت …
عطوني طريقة ان الزيت يقل فيها….
وبشو تحشون القطايف غير الجبن والمكسرات
والسموحة منكم
ياريت تشوفي موضوعي في الرابط التالي و ان شاء الله تستفيدي http://forum.uaewomen.net/showthread…0#post15297950
امس انا ماكله القطايف والصراحه روعه مرت اخوي كانت حاشيته مكسرات بس امحمرته في الفرن وما شاء الله طلع وايد حلو
انتبهي أختي ما يكون الزيت بارد
وجربي طريقة الأخت بإنج تسوينهم بالفرن أفضل وصحي أكثر
أنا أسوي القطآيف بنقآنق وجبن كرآفت وشوية زعتر يطلع لذيييييييييييييييييييييذ
وجربيه فالفرن
يوم تبدين تحطينه خفي عليه
اذا بتحطينه بالفرن امسحي بالفرشاه كل حبه زيت
هذي طريقه بالصور
هلا حبيبتي هذي طريقة روووعه للقطايف وتطلع مقرمشة وماتشرب زيت أبد
مقادير العجينة :
2 ونصف كوب طحين
1 كوب سميد ( طحين سيمولينا )
رشة ملح
4 ملاعق كبيرة سكر
1 ملعقة صغيرة خميرة
املعقة صغيرة بيكينغ باودر
نحط المقادير مع بعض ونعجنهم بأربع أكواب ماء دافيء أو حليب على راحتج أنا بس أحط ماي أحلى .
وبعدين نتركهم يخمروا لمدة عشر دقايق فقط انتبهي لاتخلين العجينة تخمر أكثر عن عشر دقايق .
وبعدين نسخن مقلاة ( تاوه ) أو الطوبي الخاص بخبز الرقاق ونخليه يسخن ونمسح بزيت عقب نصب العينه
على التاوه بشكل دواير متوسطة ونحمر العجينة من وجه واحد فقط .
ونحطها بفوطه ومانعرضها للهواء أبدآ حتى تكتمل باقي العجين .
أما الحشوات :
حشزة الكسرات : كوب من المكسرات أي نوع تبينه ملعقة ماء ورد ملعقة ماء زهر ملعقة سكر خشن ونخلط
المقادير وبذلك تكون الحشوه جاهزة .
حشوة الجبن : نص كوب جبن عكاوي نبشره ونغسله عدل لين مايروح طعم الملح نص كوب جبنه بلغاري وبعد نغسلة لين مايروح طعم الملح عقب نحطهم في صحن ونضع عليهم ثلاث ملاعق قطر ساخن ونحركهم عدل حتى تتجانس الحشوة وبهذي الطريقة تكون جاهزة .
حشوة القشطة : علبة قشطة أي نوع تبينة نص كوب حليب طازج ملعقة نشاء ونص ملعقة طحين وشوية ماء ورد وماء زهر ثلاث ملاعق سكر فستق مطحون
الطريقة تحطن الحليب الدافيء في جدر وتحطين السكر والنشاء والطحين وتخلطين عدل عقب تحطينهم على الغاز وتحركين لين مايصير الحليب جامد مثل المهلبية عقب تسكرين الغاز وتحطين على الحليب القشطة وتحركين المقادير عدل وعقب حطي الحشوة بالثلاجة واتركيها تبرد عدل عقب حطي عليها الفستق وحركيها وجذيه تكون جاهزة .
حشوة جين كيري وفيلادلفا : تخلطين جبن كيري مع فيلادلفيا وعقب تحشين القطايف .
وعندج بعد حشوة السميد : كوب حليب نص كوب سميد علبة قشطة وثلاث ملاعق سكر وماء زهر وماي ورد
خلطي الحليب الدافيء مع السميد والسكر وماء الزهر وماء الورد وحطيهم على الغاز لين مايصير الحليب غليظ عقب حطي القشطة وحركي المزيج لمدة دقيقة وقفلي الغاز وجذيه تكون الحشوة جاهزة .
بعدين تسوين القطر : كوبين وربع سكر كوب ماء ونصف ليمونة ولازم قطر القطايف يكون غليظ حطي السكر والماء مع بعض على الغاز ويوم يبدآ المزيج يغلي قصري عى الغاز واتركي القطر لمدة سبع دقايق بعد سبع دقايق عصري الليمونة وسكري الغاز .
طبعآ بعد ماتحشي القطايف سخني الزييت عدل لين مايصير حامي جدآ وقلي القطايف على شكل دفعات صغيره يعني اربع حبات اربع حبات وقلبي بسرعة عشان القطايف ماتحترق وماتخلينها اكثر عن دقيقة ف الزيت لان الزيت بيكون وايد حار وبتحمر القطايف بسرعة وعلى طول اول ماتطلعينها من الزيت غمسيها في القطر لازم القطر يكون بارد والقطايف حاره وايد وعقب ماتغمسيها في القطر اتركيها تبرد ولاتحطي حبات القطايف على بعض عشان ماتصير لينه وبس جربي هالطريقة وماراح تندمين