السلام عليكم..
شخباركم بنات ان شاء الله مرتاحين..
بخبركم سالفه..انا حامل بتوأم فالشهر التاسع..و قالو ما شي امل اربي طبيعي..و انا اخاف من العمليات..و خاصه مب متخيله انهم بيفتحون بطني..مول مب متقبله فكرة العملية..
بس الي بغيت اعرفه بعد كم اقدر احمل مرة ثانية..و هل الكرشة تم لفترة طويلة..و متى اقدر اسوي رياضة..و كيف اقدر اعتني بنفسي و الجرح..ممكن تفيدوني؟؟
الغالية اتوكلي على الله ولا اتحاتين … بالعكس هاذي أأمن طريقة لولادة التوائم … لانه حرام عقب التعب والصبر طول هالشهور اتجازفين اتربين طبيعي …
وجربي البنج النصفي اذا حالتج تسمح لانه أخف عن الكامل بوايد وبتشوفين عيالج بالسلامه على طوول … اما الكامل بتمين لين ثاني يوم تعبانه ومب في وعيج … وغير الغثيان والترجيع والحرمان من الاكل والشرب كمن يوم …
الله يسهل عليج يا دروب الهنا ادعي الله سبحانه ان رووسهم تنزل تحت وفعلا القيصريه أأمن طريقه لولادة التوأم عيل انا عكسج انا حامل بتوم وخايفه اربي طبيعي عن عيالي يتأذون بستحمل تعب البنج والجرح والكرشه ولا ان عيالي يتعبون بالطبيعي
واللي الله كاتبنه لنا ترا بيصير يا ختيه
دروب الهناء فجيتج تسلمين على طرح الموضوع احسه مهم لام التوام واللي حامل بتوام حتى انا قالولي قيصري وهم مب متقبله الفكره واسالتي نفس اسالتج وبزيد بس سوال متى ترجع حياه الام الطبيعيه بعد القيصري ….. ياريت انشوف تجارب اللي مجربات …. الله يسر علينا
الله ايسر امورنا
انا خايفه من القيصريه ابا اربي طبيعي
ان شاء الله تربين طبيعي وتقومين انتي والكتاكيت بالسلامه
.gif "12 (8)")
نفس المأساة .. قالوا لي اني بربي بالعملية القيصرية
لان المشيمة واااااايد نازلة ومغطية فتحة عنق الرحم
بس شو انسوي حكمة رب العالمين .. مع اني ربيت اول مرة طبيعي في ولدي
بس يالله كله في سبيل سلامة البيبي
وانا بعد عندي نفس أسألتج .. عن الكرشة والرياضة و المسح والشد
.gif "12 (49)")
ياليت يساعدونا خبيرات القيصرية
الله يسهل عليج حبيبتي وماعليج لاتحاتين من القيصري لاني انا عطوني موعد قيصري وتميت اصيح مابا وخلاص الحمدلله كل شي تم على خير والجرح كان بسييييط مب وايد واذا عن الحمل مره ثانيه قالولي بعد سنتين احمل عشان الجرح يلتام من داخل واقدر اولد طبيعي عقبهاا والله يوفقج ..