السلام عليكم و رحمة الله و بركاته،
خواتي هذا حملي الاول و سمعت ان اللي فصيلتها سالب يكون جنينها في خطر . سالت الدكتورة و قالت امورج طيبة بس حد من الاهل قالي لازم اخذ ابرة عشان يثبت الحمل الاول و مايتشوة الجنين،
اتمنى حد من الخوات تفيدني شو لازم اسوي هل المفروض اخذ الابرة الحين و الا تنعطى عند الولادة ،
الفزعه يا بنات و الله خايفة على جنيني يستويبه شي،
تحياتي لكم
حبيبتي ?تخافين و? شيء العلكم تطور الحين وماعاد فيه خوف
اولا اللي فصيلة دمها سالب يبدا الجسم يرفض الحمال الثاني مش الاول وتسقطين على طول ، يعني حملج هذا ماعليه خوف ،
الحل : مجرد ابره تمنع هالشي وخلاص حبيبتي
غريبه ان دكتورتج قالتلج عادي. هو مش عادي و? زم تتخذ بعض التدابير لسلامتج
نصيحتي تروحين لدكتوره ثانيه
والله يطمن بالج ويرزقج درزن عيال كلهم بخير
هلا حبيبتي انا اعرف وحده من الاهل ما احتاجت الابره بس سوت تحليل فالبدايه
هلا حبيبتي انا دمي او سالب وريلي او موجب
يوم ربيت سالت عن الابره ليش ما اخذتها قالوا ان البيبي نفس فصيلة دمي ف احتاج اخذ ابره
اذا طلع عكس فصيلة دمي اخذ ابررره والحمدالله بنتي نفس فصيلتي وماخذت
حبيبتي ما يحتاج اتخافين الله بيسرها ان شاء الله بس اللي احيده الابره اتكون عند الولاده عسب يوم يطلع البيبي بالسلامه
اما تشوه وهالاشياء لا بسم الله عليج
الله يحفظج ويقر عينج بشوفه البيبي
أختي حملج بإذن الله بخير , الحمل الأول ما مشكلة وما يخص فصيلة دمج السالبة بتشوه الجنين أو عدم ثبات الحمل , بعد الولادة بإذن الله , لو طفلج كانت فصيلة دمه موجب لازم على طول تاخذي إبرة الأنتي دي , علشان الأجسام المضادة , ولكن لو فصيلة دم طفلج مثلج سالب ما في داعي للإبرة . وهكذا في كل حمل . المهم بس تنتبهي لهذه النقطة بعد الولادة بإذن الله , لازم يسو تحليل الدم لتحديد فصيلة دم طفلج ولو طلع موجب تاخذي التطعيم .أتمنى أكون وضحت الموضوع .
اول مرة اسمع ان لازم تاخذين ابرة
اختي ارجعي و اسألي الدكتورة لو تحتاجين للأبرة
و خلج ع الادوية من فوليك اسد و فيتامينات و حديدد و كالسيوم و ترى الفوليك اسد يثبت الحمل و يمنع التشوهات