السلام عليكم ورحمة الله
شحالكن ؟؟؟
شورن عليه اسير الموعد ولا لا ؟؟ والله تعبت من التفكير ومن الاحلام اللي اشوفها 
استخرت مرتين وبعدني بستخير … أبدا مب متشجعه للموضوع
الدكتورة عطتني الأحد موعد في مستشفى توام وقالتلي تعالي قسم الولاده وانتي صايمه ومستعده للولاده
بيعطوني ابره ترخي العضلات وبيحاولون يلفون البيبي عشان ينزل راسه تحت لأنه في وضع مقعدة
قالتلي احتمال كبير يستوي تحريض ويبداج الطلق سواء انجلب البيبي ولا مانجلب
اذا انجلب بربي طبيعي واذا بدا الطلق ومانجلب بيدخلوني عمليه
واحتمال يتعب البيبي او يصير انفصال في المشيمه أو يلف الحبل السري وبعد بيدخلوني عمليه
قالت غرفه العمليات تكون جاهزه في اي وقت يمكن ندخلج
واذا الله يسرها وانجلب يخلوني على التخطيط 4 ساعات اذا مافي ويع وقلب البيبي زين يرخصوني
واااااااااااااااااااااااااااايد خايفه والله
لأني سرت عند زينب وماقدرت تحرك البيبي قالت واااايد نازل في الحوض حاولت مرتين بلا فايده وانا بغيت أموت من الألم وثاني يوم ياني مثل الطلق وتم بطني يعورني كم يوم ما اتحمل شي يدقة
خايفه اعيد التجربه بدون فايده … الدكتورة في توام قالتلي فالتاسع بينجلب اسرع لأنه الماي أكثر والابره بترخي العضلات بنقدر نحرك البيبي … والله مش مطمنه أحسه مابيتحرك وبتعب وبيتعب البيبي
والله محتاره مادري شو اسوي
شورن عليه … واللي عندها خبره تساعدني بليييييز
الغالية انتِ وايد تأخرتي .. الللي أعرفه لازم يكون قبل التاسع او الثامن،،
بس أفضل لو تشوفين ردود الاخوات المجربات
والله يسهل عليج
يمكن البنات بيفيدونج…..وان شاء الله تتيسر أمورج وتولدين طبيعي وتكتمل فرحتج بشوفة النونو
المشاركة الأصلية كتبت بواسطة ::ملاك:: 
بس أفضل لو تشوفين ردود الاخوات المجربات
والله يسهل عليج
أنا سرت عند زينب في أول الثامن وماقدرت تحركه قالت وايد نازل فالحوض ثابت … الدكتورة في توام قالت لا مب وايد نازل !!! مادري والله احترت
ما عندي فكرة .. انشالله الكروشات اللي عندهم خبرة يفيدونج.. الله يسهل عليج
ربيعتي كانت نفس الشي بس ربت قيصري ومارضى البيبي يعتدل والله ماادري هم حاولوا يجلبونه ولا لأ؟ان شاء الله الاخوات بيفيدونج ويارب يسهل عليج وتقومين بالسلامة وتفرحين بالنونو
حبيببتي والله .. ليتني أقدر أفيدج بس أنا أول حمل لي .. إن شاء الله البنات يفيدونج .. ويارب تربين طبيعي ولا تدخلين هالمتاهات وينجلب النونو بروحه بدون أي تدخل من اي حد =)