كل عام وحبيباتي ابخير
خواتي
صديقتي عندها مشكلة تهدد حياتها الزوجية بالانهيار
وهي إن زوجها واااااااااااااااااايد ((((((مسرف)))))))
ما شاء الله عليه مامقصر في حقهم بشي ,لكنه ماايود شي…
وهي تعبانه وايد من هالمشكلة
المشكلة العودة إنها ماتشتغل…ومامكمله دراستها بس الثانوية
حاولت اتكمل عشان تشتغل بس من ويييين؟؟؟؟؟
كلمته ….سوت جدول عشان المصروف….مانفع….كل شي سوته…هو ما ينفذ …يفكر في يومه…بس ما يفكر في المسقبل ….
بنات….الله ينور طريق اللي …تقرا هالموضوع وتعطي لو اقتراح بسيط أو دعوة حلوة …أو أي شي نقدر انساعد به هالعائلة عشان أحوالهم تتغير
الله يفرج همها يارب
خلها هي تيمّع عنه ، يعني تطلب منه مصروف شهري معين
وتيمعه بدون ما يدري . . مثلا لو كان يعطيها مصروف 3000
تقول له أبى 5000 تصرف الـ 3000 كالمعتاد والـ
تيودهم 
احنا عانينا في بداية حياتنا من هالشي وانا ماكنت اشتغل …
وعقب كمن شهر بدينا انسوي لسته للمشتريات … وانوفر من 500 الى 1000 كل شهر …
ومع الايام عودته على التوفير …
اذا ريلها ما يتحمل المسئولية ويتحكم في مصروفه … لازم تيبه بالسياسه … وتخلية يعطيها كل اول شهر مصروف للبيت غير مصروفها الشهري … وتوفر منه قد ما تقدر …
ولازم هو يحدد له مصروف ثابت يصرف منه … والباقي يدخل في حساب التوفير …
وهي لازم مول ما اتخبرة عن الباقي من مصروف البيت …
ياااه
هاي مشكلتنا فالبيت عند باباتي خخخخخ
عسى ربي يحفظه لنا
والله مادري يالغلا .. انا جربت كل الطرق اللي اقترحنها الخوات مع الوالد ربي يحفظه بس بعد ما فاد فيه
يرد ويخلص راتبه ع نص الشهر .. مع ان راتبه حلو يعني لو يعدل الصرف بيكفيه لين اخر الشهر وبيزيد بعد لووول
فـ الله يعين .. ان شاءالله توصل لطريقة مناسبة ويا ريلها وتعوده ع التوفير
مشكووووورات وايد خواتي على الردود الحلوة
وأتمنى المزيد من الأخوات
انا ريلي كان جيه ..
فشو سويت ؟!
كل بدايه شهر اول ماينزل الراتب كنت اخليه يسحبه كله من البنك ويعطيني في ايدي كله وانا كل يوم اعطيه مصرووفه .. ( طبعا اراعي البترول والاكل في الدواام واعطيه احتياط ) ويوم يرد البيت اتناقش وياه واعرف ع شو صرفهم .
وسويتلي حصاله بقفل وخليت مفتاحها عندي وكنت ايمع الباجي عندي .
والحمدالله افتكيت من هالمشكله ..
بس الظاهر اني انا الحين مسرفه خخخخخخخ ( عاداني الظاهر ) .