حنا باقي باقي مانفهم الناس للأن كل اللي اعرفهم مجهولين عندي

شو صاير خير أن شاء الله شو أنتوا متزاعلين هونوها وتهون

هيه والله انتي وايد متغيره ….

الله يفرجها عليج ….

زين أنكم مب مضاربين بس في هالزمن صعب أن الوحده أتحصل أصدقاء مثل ماودها والله الخوات وهم الخوات من نفس الام والابو بعد مايطلعن مثل بعض بس الوحده منا شو بتقول ياانج أتسايرين هالناس بلي يرضيج والله انا أقول أحسن شي لج أنسي هالموضوع وكوني صديقة نفسج وبعد الله أن شاء الله يرزقج بالعمر الطويل وتحصلين ناس على قلبج ولو أنها صعبه بس الواحد ماييأس من رحمة الله

بس اذا نسيتي هذا راجع لج

نحن نسوي اللي نقدر عليه بس مادري انتي شو تبين

بسمهـ تعـالى ..

ولي رجعه انشالله

عزيزتي …إذا أردت أن تُطاع ، فامر بالمستطاع …
وعمر الأصدقاء ما كانوا طلبية بمواصفات معينة ..ومخصوصة علشان تعجبنا…
لأنج بهذي الطريقة ما راح تلقين صديقة ترتاحين وياها ، وتقدر تستمر معاج ..
الصداقة إن نحصل إنسان نفهمه مثل ما نبغيه يفهمنا..نحترمه مثل ما نبغيه يحترمنا ويمكن أكثر ..يلقى عندنا الراحة اللي ندورها عنده …وفي المصايب والأفراح نتواجد وياه ..وناخذ بئيده، مثل ما نتمنى ياخذ بئيدنا عبر صعوبات الحياة ومشاكلها..
نبتسمله قبل ما ندور ابتسامته ..ونعطيه بدون ما نطالبه يعطينا ..لأن المبادرة في المشاعر هي اللي تولد المشاركة ..
وأهم شي يا اختي العزيزة إن نتذكر الصديق مب ملكية خاصة فحياتنا ..ولا محصور بمعرفتنا دون غيرنا ..وإذا انشغل يعني ما يحبنا ..وإذا كلم غيرنا يعني يخوننا ويتخلى عنا …أبداً يا أختي ..الصداقة أرض خصبة إذا بذرتيها بذرة طيبة تعطيج شجرة طيبة ..وإذا هجرتيها تصبح صحراء قاحلة بلا مشاعر ، بلا دفء ، بلا قيمة والأخطر بلا أثر طيب في حياتنا …
لا تحطين للناس قوالب إذا ما ناسبتهم ، فما يناسبونج ولا ينفعون يكونون أصدقاء لج ، ولا تشكلين حياتهم بشروط علشان تناسب حياتج ….في الصداقة …لازم تعطين ..بدون انتظار المقابل ..لأنه طبيعي بييج "ما جزاء الاحسان إلا الاحسان"
وإذا تبغين أرض الصداقة تزهر عندج ، ارويها بمحبة ، وبدون قيود .
وتذكري شو قال الشاعر " إذا كنت في كل شيءٍ معاتباً صديقك ، فلن تلقى يوماً من لم تعاتب
..والسموحة منج