حل نهائي مشكلة الريحة امبين الصدر وسواد الاندر آرم + وين ألاقي ديودرنت مايسود ؟

شحالكن خواتي ، قبل كنت عارضه مشكلتي بخصوص الاندر ارم ( المنطقة مسوده ) والريحة اللي أمبين الصدر ، والحمدالله لاحظه نتايج مرضيه بس لحد الحين مو ملاقيه ديودرنت يعطي ريحه حلوه
لان اللي عندي طبي وبدون كحول وعطر

المهم نبدأ بالاندر آرم ( أنا استخدم اسكينول عن تجربة احد صديقاتي وفعلا شفت فرق خلال اسبوع من ناحية اللون ) وخذت ديودرنت ( كرستال ) طبي من الصيدليه وقالو هذا احسن نوع مادري اذا انغشيت وله لاء لان مافيه ريحه ابداً بس اشوفه عادي مايسوي شي وطريقة استخدامه لازم تبللينه بماي وعقب تستخدمينه ( شغلانه طويله ماحبها )

وعن الصدر ، انا رحت عن دكتورة سميحة وقالتلي فطريات لان المنطقة ماتتهوا ووايد ايون يشتكون من هشي ، فوصفت لي كريمين واللي هم :

Nizoral

Bactroban

وطريقة استخدامه تقعدين بدون ستيان واطيحين عظهرج وتحطين شويه من الاثنينه فصبعج عشان يوم
تدهينهم يمتزجون وتوزعينه ( بس المنطقة اللي فيها المشكلة ) ووزعي بعد تحت الصدر

ولاتلبسين ستيان تمي طايحة شوي ولاتتمشين عقب البضاعه بطيح لوووووووووووووول

المهم النتيجة بينت الحمدالله لكن المشكلة الثانية بعد ماتوقف الريحة وترجعين لحياتج الطبيعيه ترجع المشكلة ×_× حتى لو اسبح وأفكر هالمكان وأنشفه عدل وارقد بدون ستيان

فبعد ماتستخدمين الكريم وتخلصين منه يومياً أستخدمي أسكينول لبين الصدر وتحت وبعد ماتخلصين نشفيه ( انا استخدمت اسكينول افكادو )

فبعد الشاور استخدميه الاسكينول وبعدها رشي بدي سبريه عسب ريحة الاسكينول ( انا استخدم اللي من فكتوريا سيكرت ) موجود فلايف استايل

ومع المتابعة هذي الطريقة الحمدالله انحلت مشكلة الصدر بس باقي اني ادور ديودرنت فيه ريحه حلوه ومايسود