بنات ما ييت اقولكم الا بعد ما جربت بنفسي و الطريقة ناجحه ميه بالميه و اللي تجرب خلطتي نتريا ردها فالموضوع …
اسمحولي اذا الموضوع مب وايد مرتب الساعه 4 الفجر و فيه رقاااد من الخاطر …
بما انه القريه فتحت فالحمد الله الحنا و الكتم اصبح متوفر للكل…
انا شاريه الحنا و الكتم من عندهم …
من القريه اليمنيه
اول محل على اليسار عندي اسم المحل بس اخاف ما يستوي احطه …
على فكره الكتم انواع و حنا جربنا اللي يبيعه هذا الريال و الحمدالله طلع من النوع الزين اللي يصبغ عدل فالشعر …..
المهم الطريقة عباره عن خطوتين
الخطوه الاولى كالاتي :
اعجني الحنا بالماي الدافي و الليمون فقط و خليها تتخمر اقل شي 5 ساعات
و بعدين حطيها في شعرج… 3 ساعات تكفي…
و اذا بتزيدين فالمده مافي مشكله
و ممكن اتحطيلها اضافاتج لزيادة اللون
بس انا ما ضفت شي غير الماي و الليمون..
ليمونه وحده فقط.. لانه يجفف الشعر..
خلصنا من الحنا ….
يا دور الكتم
الكتم ممكن تحطينه في نفس اليوم او اليوم اللي بعده…
انا حطيته في نفس اليوم + اليوم اللي بعده…
اذا بتحطينه في نفس اليوم …
اغسلي شعرج عن الحنا بالماء فقط و بعدين حطي الكتم
والكتم هاذي طريقته:
روب على حسب طول و غلظ الشعر
و الكتم على حسب كمية الروب
مثلا:
اذا الروب علبه وحده الحجم العادي حطي3 الى 4 ملاعق كبيره كتم مع شوية ماي بس شوووووووييييييه فنجان او اقل حتى بس عشان اتسيحين العجين او استبدلي الماء باللبن او الحليب الطازج ..
وضيفي للعجين ملعقة ملح صغيره لانه الملح يتفاعل مع الكتم ويظهر لونه ..
يعني الحنا لازم تحطيلها ليمون و الكتم لازم اتحطيله ملح ..
ملاحظه : الكتم لاااا تخمرينه اعجنيه و حطيه في نفس الوقت .. !!
حطي العجين على الشعر مب لازم اتحطينه مثل الحنا فالفروه لا ما يحتاي لانه اصلا ما منه فايده غير اللون يعني ما بيفيد فروتج بشي فحطيه على الشعر عادي مثل الماسك بدون تدليك …
و خليه ساعه فقط..
غسلي شعرج بالماي و الشامبو و حطبيله كونديشنر او فاشكول عشان ما ينشف
وشوفي النتيجه اللون اللمعه و النعومه و ادعيلي ^____^….
انا دوم ادعي للي علمتني الطريقه
فكتنا من الصبغ جزاها الله كل خير..
على فكره النتيجه اول مره الشعر الملون يصير اسود اما الشعر الابيض يستوي بني غااااامق
و اذا سويتي فاليوم الثاني بعد مره خطوة الكتم فقط من غير الحنا
بيصير لونه اسوووووووووود سواااد الليل .. و بعض الناس يحتاجون يعيدون خطوة الكتم 3 مرات عشان يصير اسود فحمي
على حسب كمية الشعر الابيض …
انا مرتين كانت كفايه عشان احصل نتيجه جدا مرضيه واقول بايبااااي للصبغاات
طبعا هالطريقه للي شعورهم غامقه ما اعرف كيف النتيجه على الشعر الفاتح
و رجاء
اللي تحني و تحط الكتم لا تفكر تصبغ
اقل شي 6 شهور و يفضل بعد سنه من استخدامه عشان ما يتقطع الشعر …
و اي استفسار حاضريييييييييين للطيبين
مشكووووره جزاك ربى الخير باذن الله
بس حبيبتى الكتم مايخشن الشعر
او له اعراض ثانيه لانى عمرى مااستخدمته.
يزاج الله خير
والله ما شفته خشن شعري الحمدالله ما غير من نعومته ابد
يمكن هذيج الحنه السودا اللي فيها كيماويات هي اللي تخشنه
مشكورة اختي
يزاج الله خير
العفو بنات