السلام عليكم خواتي اشحالكم
انشاء الله مرتاحيين
خواتي وخصوصا البنات اللي يدرسن بالكليا لو ماعليكم امر خواتي ابي مساعدتكم وان شاءالله في ميزان حسناتكم بغيت ضروري ريبورتات عن قصص يعني تلخيص لقصص قريتوها انا مسويه وربي اني ضاغطه على روحي كثير عشان اخلص اللي فاتني كله في فترة علاجي
ومثل مانتوا عارفين هذا اخر اسبوع
فاللي عندها اطرش لي رساله خاصه
مشكورات
،، أم شمسان ،،
اختي عارفه كيف الكليات مشدده بخصوص النقل ..
وانتي تعرفين ان الاساتذه يكتشفون هالشي من اسلوب الكتابه اذا هم كانوا متعودين تكتبين بطريقة ومرة وحده تغيرتي 180 درجه ،، اكيد بيكتشفون ،، صح انج مضغوطة اختي بس حاولي انتي تكتبين التقرير … وبعدين ترى قصة قصيرة ما بتاخذ منج وقت وايد بتقدرين اتلخصينها بفترة قصيرة …
فاول شي فكري في مكانج في الكليه واعرفي انج ممكن تخسرين هالمكان في اي وقت فحاسبي اختي عشان مصلحتج ،، وايد شفنا بنات انطردن والسبه هالشي ..
واسمحيلنا اختي ع القصور …
مسموحه ختيه وجلامج والله ماعليه غبار بس انا ماودي بس وربي مجبوره تخيلي عاطيني اجازه وابرزت لهم التقارير بس وربي انهم انذال قالوا مب مشكلتنا وماحد عطاني خبر يعني زي الاطرش بالزفه وتخيلي انا خلصت اربع بس بعد باجيلي عشر من غير
الله يكون بالعون
مشكوووره غلاتي
انا عندي بشوف اذا هن فالبيت ولا فالكلية … ودرجاتي كلها A – B
الله يخليج ختي ماتقصرين
على فكرة أم شمسان ،،، ترى اي ريبورت ولا اي ايسي تكتبينه لازم يجيكون عليه في الكليه .. يعني عندهم مرجع خاص لكل كليات التقنيه اللي في الدوله ،،، يشوفون هل انتي كاتبه هالموضوع بروحج ولا ناقلتنه ،، فاتحملي ترى ان عطتج " فساتين عرايس " ترى موضوعها بيكون ضمن مواضيع التقنيه ،، وان لقوج ناقلتنه ترى مصيبه كبيره …
ففكري فهالشي مرتين ولا 3 و 4 اعرف ان هالشي صعب عليج .. بس اذا حاطينج هالاسبوع كمهله للتسليم تراج بتلحقين تكتبين 10 ….
صح ظلم ومن هالكلام بس لازم تراج ملزومه …
المهم انا خبرتج والباقي عليج ،، والله يعينج