السلام عليكم ورحمة الله وبركاته
مبارك عليكم الشهر وعساكم من عواده ان شاء الله
بلييز ابغي منكم مساعدتكم عندي مشكلة فحفلة الملجة و انا اول فرحة ابوي ومو عارفه شيء من الصفر الحفلة بإذن الله بتكون بعد العيد
عقبال كل البنات العزابيات وان شاء الله ماتخلص السنة الا وهي فبيت ريلها 
ابي اعرف متى اعرض الشبكة ومن هاي السوالف ومادري شو بعد يسوون في الملجة ؟؟؟
طرحت الموضوع لكسب الخبره وعشان الكل يستفيد
لاحظت ان تجهيزات الزواج مواضيعها كثيره لكن الملجة نادرا تلقي مواضيع لها رغم ان العروس تكون مرتبكة اكثر وقت الملجة
لأن غالبا تكون بروحها وتبي تستعد من بدري قبل لا ينتشر الخبر للناس اكيد عندكم خبره وتجارب وقصص و افكار شاركونا فيها
في ميزان حسناتكم 
واللي ماتعرف ترفع الموضوع وعسى الله يرفع قدرها دنيا وآخره
جهزي السجينه وقلاصين للعصير و السجين لتقطيع الكيكه وصحنين لكم
والباقه
وروحي الصالون سوي تقشير
وروحي مره ثانيه حق الحف وجي
وعسى ربي يتمم لكم على خير
زيني قلاص العصير محل الورود والشبكه اهل المعرس يزينونه واذا شي معازيم اكيد يوم يتطلعين بيحطونه حذال الكوشه بس الفتره الاخيره اشوف الشبكه في بوكسات شفافه ومسكره واتكون عالكوشه
المشاركة الأصلية كتبت بواسطة جنان الفجيره 
والباقه
وروحي الصالون سوي تقشير
وروحي مره ثانيه حق الحف وجي
وعسى ربي يتمم لكم على خير
يزاج الله خير الغاليه
– – – Updated – – –
المشاركة الأصلية كتبت بواسطة al7oor حياتي مشكوره مره ثانيه
الله يتمم لج ع خير و يسعدك
وهبي فستانج و شوفي صالون يهتم ب بشرتج و يعرج لين موعد الملحة او عيادة لويهج
حبيبتي الملجة تكون بسيطة
تجهيز الكوشة و بكس الطقم على المعرس – ياخذ العلبة خالية ويوديها لمال الورد يزنها و يحطها على استاند
انتي تلبسين و تتزهبين و تطلعين بزفتج عادي الين توصلين الكوشة و تستريحين
تفتحون البوفيه او تحطون العشا و عقب اتي الشبكة ( بعد ما تكونين حطيتيها ف البكس المزين) و يشولونها خدامتين و يدورون فيها شوية على المعازيم اونه يجوفونها و عقب تنحط حذالج على الكوشة
يدخل او الشباب و احد يناوله القطع وهو يلبسج و خلاص – توتة توتة خلصت الحدودة 
ربي يتمم لج على خير