هلا بنات اشحالكم
بنات مضايجه وايد حابه افضفض اشوي احس عمري بنفجر انا من نوع كتومه وايد
اول الشي انا راضيه بحكمه الله والحمدالله اصلي ودايما استغفر واصلي قيام الليل
كل حرمه تحلم انها تحمل ويكون عندها عيال وانا وحده منهم
ما انكر حملت 3 مرات
بس فشلت في كل الحمل
ودايما يتكرر عندي اجهاض والحمدالله
احيانا اشغل عمري في وايد اشيا بس دايما موضوع الحمل يكون قدامي
ف قلبي يحترق واصيح ف قلبي اقول متى رح احضن ضناي
متى رح يكون عندي ولد او بنت انا راضيه ب كل الشي
اذا طلعت مع ريلي ف مول مادري ليش دايما اوقف عند محلات اطفال وعيوني تدمع
اجمدت مكاني ؟؟ ماعرف ليش جي يصير فيا
عقب اضايج وااايد من ارد بيت
ما انكر انه ريلي واقف معاي ف كل يحاول كثر مايقدر ينسيني
بس دايما من احط راسي على مخده اذكر كل الشي
4سنوات وانا اتريا حملي يثبت والحمدالله ( ادري انه غيري يتريا اكثر عن 4 سنوات )
بنات ادعولي احمل وربي يثبت حملي محتاجه دعواتكم
مجرد فضفضه لاني مضايجه ودي احمل شرات حريم
ربي لاتذرني فردا وانت خير الوارثين
يارب يزرقج الذرية الصالحة عااااااااجلا غير اجل اختي الاستغفار الاستغفار الحل الوحيد لمشكلتج
وادعيلي بان الله يلم شملي مع زوجي 
عاجلا غير أجل وان يرزقني ما اتمنى
المشاركة الأصلية كتبت بواسطة أحبكـ يا ربيـ 
وادعيلي بان الله يلم شملي مع زوجي
عاجلا غير أجل وان يرزقني ما اتمنى مشكوره فديتج
وان شاءالله ربي يرزقج الي تتمينه يارب
امييين يارب ربي يرزقج الذريه الصالحه عاجل غير آجل ولاتخافين دام مافيج شيئ بإذن الله بتشوفيين عيالج يارب فديتج/واختي أحبك ياربي /ربي يلملك شملج إنتي وريلج ولايغير عليكم يارب وتكوني قرة عينه ويكون قرة عينج اميييين يارب الله يوفقني وياكم ربي لاتذرني فردا وانت خير الوارثين
المشاركة الأصلية كتبت بواسطة إلك فدوى اللهم امين ويرزقج ويرزق صاحبة الموضوع بالذرية الصالحة عاجلا غير اجل
المشاركة الأصلية كتبت بواسطة إلك فدوى امين يارب العالمين الله يسمع منج
حبيبتي اذا انتي من الشارجه جربي حسنية قرقاش استخيري و سيري عندها يمكن تعرف سبب الاجهاضات لانه وايد يمدحونها ..
و لا تنسين الاذكار و الرقية قبل الحمل و اثناء الحمل و بعد الحمل ..
و عليج بقيام الليل و الدعاء و الفضفضة لـ رب العالمين هو الوحيد اللي بيجيب دعائج و بيسمع شكواج حبيبتي و بيجبر بخاطرج و بيرزقج ان شالله عاجلا غير اجلا الذرية الصالحة المعافاة ..
لا تنسين الاستغفار .. و اتمنى انج تبشرينا قريييييب ..