السلام عليكم ورحمه الله وبركاته
اشحالكن خواااتي عساكن بخير
اليوم شفت شي خلاني انقهر …لهذي الدرجه
نحن عيال هذي الارض الطيبه لكن للاسف لازم ندفع مقابل يلستنا …الوافدين واخص الاجانب معززين ومكرمين ونحن مب مهم
اللي شفته انهم بيخلون باركنات جمعية الصفا ببيزات حتى صوب شويترام
يعني اللي يبى الجمعيه لازم يدفع والصراحه انا بتكلم عن نفسي لازم يوميا تقريبا اسير الجمعيه البيت يحتاج وفي اشيا لازم ناخذها باليوميه مثل الحليب الطازج والمعجنات وحتى الخضره
شوه مستوي في بلادنا عادي باجر يخلون باركنات المستشفيات ببيزات
للاسف اللي متخذ هالقرار شايف نفسه يقدر يدفع مب شايف غيره
حسبي الله ونعم الوكيل
الله يرحمك يا زايد الخير
الحين شو دخل الوافدين و لااجانب فالسالفه
شوتبينا يا اختي انقول غير حسبنا الله ونعم الوكيل شي صار مب بفلوس اونا زادوا المعاش ويسحبونه في قراراتهم إل مالها آخر
حسبنا الله ونعم الوكيل
ابصراحه انا ميته قهر من القرارات اللي مالها دااااااعي والأدهى والأمرر انه نحن هل البلاد ومب حاسبينا حساب والوافدين معانا في كل شي مافي فرق.
سوووووري اللوافدين بس نحن هذي بلادنا ولازم يكون فرق بينا وبينكم في اشياء معينه على الاقل.
غريبه بصراحه، اللي أعرفه ان كل محل تجاري
من حقه عدد معينه من المواقف
لو بيسوون شرات كارفور الشندغة وايد زين
يعني الواحد يوقف سيارته ويدفع في الجهاز
وتطلع له ورقتين، ورقه في السيارة والثانيه
نخليها وحزة ما ندفع في كارفور يخصمون المبلغ
من الفاتوره، يعني كأنا ما دفعنا شي
عنلاتهم هذا وين اللي فالعين؟
عنبوه شو بقا ومادفعونا عليه؟
ماترزا علينا هالزياده
مابقا الا ندفع للشارع اللي نمشي فيه