حرمة اخوي حرام عليج بس خفي من المشاكل

شحالكم بنات

والله تعبنا من كثر المشاكل اللي تسويها حقنا حرمة اخوي

كل يوم تيلس تكذب على اخوي بس عشان تبعده عنا

وتقول لها خواتك قالوا وسوا وكله خريط

واي شي يصير فالبيت تروح تخبره بس عشان تسوي مشاكل

يوم يكون عندنا عرس لازم تخرب فرحتنا وتسوي لنا مشكله قبل العرس بكم يوم

وتستوي ضرابه كبيره فالبيت بسبتها وتطلع هيه مثل الشعره من العجين ونطلع نحن الغلطانين

بس الحق عندنا لكن اخوي مصدقها على الاخر

وترفع صوتها على الوالده وما تحترم وجدام اخوي تسوي عمرها بريئه

نحن ما اذيناها دخلناها بيتنا معززه مكرمه ولا حتى تحلم بالعيشه اللي نحن نعيشها

تخيلو اول اسبوع من زواجهم سوت لنا مشكله بسبة صور الالبوم

وتبا تاخذ صور خواتي ..خواتي ما طاعن لان جسمهن طالع وهي تودي الالبوم بيت اهلها و

حتى شريط العرس خلت اخوانها الشباب يشوفونه وقالت لنا بكل جراه رويته لاخوي

كيف تروينه ونحن طالعين..شو قالت اونه انا اطوف ..قلنا لها تسوي ستوب وتطوفين ولا جي

قالت لا ما اسوي بس جي..كيف جي ماة تسوين تره يبين..

والله مب عارفه شو اقول..تعبنا منها نحن مب هاين علينا اخونا..هو ما يبا يطلع بيت بروحه

لان محد عندنا اخواني الباجين دواماتهم فبوظبي وما يردون الا نهاية الاسبوع

وابوي ريال كبير فمحتاجين ريال فبيتنا..وهي تسوي لنا المشاكل عشان تظهر

انزين نحن ما قلنا له لا تظهر يبا يظهر كيفه بس هو اللي ما يبا

ونحن اللي نتأذى..وتغار عليه حتى منا نحن انزين نحن خواته مب عشيقاته

يوم تشوفه يالس معانا اتم تتصل عليه تعال وتعال..وتقول حقنا هذا اخوكم انسوه خلاص استوا مالي ..والله عفاني الله

سوري كلامي ملغبط لاني احس بالظلم

بس حبيت افضفض لكم من قهري..بنات ادعوا لنا ان الله يفرج همنا ويكشفها عند اخوي على حقيقتها هو يصدق كلامها وعلى باله نحن كذابين ..لانه هي تسوي المشاكل يوم يكون عنده دورات برع البلاد وهو ما يدري من الصادق فهيه تيلس اتحرضه علينا

ادعي لاخووج بالهداايه ان شالله لان مهما قلنالج شو تسووين ماشي فايده لان العيب منها هب منكم..