مساكن الله بالخير اخواتي الحبيبات
انا محتارة شو اسوي ومحتاجة لفزعتكن اللي عندها شور طيب
عندي بشكارة اندونيسية اشتغلت عندي سنتين وهي وايد زينة وهي مرتاحة عندي ويوم يا وقت سفرها قالت لي ابا اسافر وارجع وقلت لها اتصلي بي من توصلين هناك وطمنيني
مر شهر كامل ما اتصلت وانا حاجزتلها تذكرة سيرة و ردة على طيران الاتحاد ومن يومين طرشت لها رسالة اسلم عليها واليوم اشوفها مسوت لي بلوك ع الوتساب سبحان الله رغم انها خلوقة ويايه
ولكني في حيرة من امري موعدها عقب شهر عشان ترجع بس خايفة انها ما ترجع ويضيع ثمن التذكرة وخايفة بعد انها ترجع وتشتغل عند غيري
فكيف اعرف وقتها انها دخلت البلاد؟اوانها
تشتغل عند غيري؟
الفزعة يابنات لاني محتاجتنها عقب شهر يعني وقت ردتها
اذا ما يت بلغي عليها الجوازات بيسولهااذا طاف شهرين حرمان دخول ا
دام انها ما ترد على اتصالاتج ومسويه لج بلووك يعني اغسلي ايدج منها شكلها غيرت رايها وما بترجع ..
اتصلي فيها كمن مره اذا ردت عليج اسأليها اذا عندها نية ترجع ولا لأ أما اذا ما ردت يعني لا تقعدين تتريينها خلاص روحي الجوازات وكنسلي الاقامه وأتوقع يستوي تلغي رحلتها ..
هذي حركتهم معروفه وأغلبهم جييه يسوون لما يروحون بلادهم يغيرون رايهم بخصوص الرجعه ..
كانت معي وحده وزينه ويوم حولت الفلوس لها غيرت ارقامها كلهن ولله ياختي مااريد اضيق عليج لكن ماضنتي اترد عليج
كنسلي التذكرة وبلغي عليها وسوي لها حرمان
انا ويا الاخوات ماظنتي ترجع , كل ماتسافر شغاله نحاتي سالفه يغيرون رايهم او لا
خلاص كنسليها وبلغي عليها
مابترجع حبيبتي سيري و كنسلي التذكره لان خدامتي سووت نفس الحركه و حجزتلها عالاتحاد بعد و راحت الفلوس و عقب كنسلت الفيزا