حجزت في ارجان روتانا . عندي استفسارات لو سمحتوا يا حلوات

1- هل الفندق قريب من الامارات مول … يعني لو وصلت هالمول بدل الفندق؟

هيه وايد قريب اذا كنتي هناك و سألتي ما بتضيعين وخصوصا الفندق صوب جميرا ما بتضعين هو فوقه شرات الكوره بتعرفينه^^

2- متى لازم نكون في الفندق … الساعه 2 والا 3؟ سؤال غبي سمحولها ماتعرف لهالسوالف

الساعه 2 اتكوونون هناك اضمن و اذا الغرفه ما خلصو ترتيبها بيقولون لكم اتريو شوي في اللوبي لين ما يخلصون الترتيب..

3- من وين ناخذ الاكل احسن شي؟

في وايد مطاعم هايج البقعه عندج جليز . كنتاكي. بيتزا . مطعم لبناني. مطعم مكسيكي . كوفي شوب وواايد من ستاربكس و كوستا وووالخ

4- شو الاماكن القريبه اللي نقدر نتمتع فيها غير الاسواق؟

ذا ووك بس الحين حر شوي يعني لو تتمشون في السياره بعد حلو وعندكم دبي مول و ميركاتو ..
5- اذا عندكم افكار رومنسيه وسوالف اللبس وجيه لا تبخلون علي……..

^^ انتي ادرى بذوق ريلج .. البسي اي شي ناعم و بسيط اكيد بيعيبه..
احلى شي انكم اتنشون من وقت عشان تتريقون في البوفيه روعه هذا اذا كنتي حاجزه مع الريوق اما اذا لا ف بتدفعون اممم .. ونصيحه بعد اذا دخلي الحجره لا تاخذين شي من الميني بار يعني هناك دبة الماي ب 10 و الكاوكاو 20 يعني لو تشترين من السوبرماركت سوالف الجبس و الحلاوه احسن ^^ يعني اوفر لج .. امم وبس
ورحله سعيده ان شاءالله