مشكلتي هي اني حبيت شاب تعرفت عليه في مواقع التواصل الاجتماعي.
كانت اول مرة وآخر مرة اكلم شاب..
وعلى الرغم من رفضي للتواصل وياه تم يلاحقني لين حبيته و وعدني هو بالزواج والحمدلله ما تعدى تواصلنا اكثر من التيلفون ,,, ولمن اهلي عرفوا اخلف وعده.. فتركته بس هو ضل يحاول يتواصل وياي وصدقته مرة ثانية و واجهة اهلي عشان يعطونه فرصة لكنه تهرب .. وبعد فترة فاجئني بأنه تزوج…!
وانا بالنسبة لي خلاص موضوعه منتهي,, ورد حاول يتواصل معي حتى بعد زواجه..! ويقول انه يبا يتقدم لي بس انا من بعد الي عمله وياي قبل ما اقدر اسامحه ومستحيل اصدقه او اثق فيه, ولا اطيقه ولا رح اقبل بمتزوج ودايما افكر بزوجته المسكينة انخدعت فيه والحمد الله الي ابعدني عنه وبدل حبي له بكره شديد.. صراحة تعبت منه وايد من كثر ملاحقته لي ومحاولاته عشان يتواصل وياي.. نفسي اتخلص منه واعيش بسلام
ساعدوني شسوي ,,هل اكلم اهلي عشان بتصرفوا وياه او اكلم حد من اهله يمكن يوقفوه عن حده او اكلم زوجته المسكينة؟؟
تمت الموافقة
احذفي جميع حساباتج بمواقع التواصل
غيري رقم تليفونج – أي شيء يعرفه قبل غيريه
حتى مايقدر يوصل لج
المشاركة الأصلية كتبت بواسطة المراقبة العامة 
احذفي جميع حساباتج بمواقع التواصل
غيري رقم تليفونج – أي شيء يعرفه قبل غيريه
حتى مايقدر يوصل لج
فعلاً هذا هو الحل .
أما لو كان يعرف مكان سكنج وشغلج ويلاحقج مثلاً في الشغل والسوق فبلغي أهلج يتصرفوا معاه و
زوجته مالج دخل بها , لا تخربي بيتها .
خبري اهلج قبل كل شي . لا تعطيه فرصه يتواصل وياج مره ثانيه و ينقص عليج
اختي الموضوع مايباله تفكير .
.احذفي كل حساباتج وغيري رقمج وكل شي يعرفه عنج ..
هذا واحد لعوب شكله يقص عليج وعلى غيرج يبا يتسلى ويقضي فراغه مع بنات الناس وحرمته فقيرة محترقة ..
لا ما انصحج تعلمين حرمته لانه بها الشكل بيكون تخبيب زوج ع زوجته ..وبتخربين علاقتهم وبتخلينها تشك طول عمرها .ويمكن هو يحب حرمته وايد وبيدشون بدوامة مشاكل بسببج ..فابعدي ياختي عنهم ولا لج فيهم حتى اهله لاتخبربنهم لانه عادي يوصل الخبر لحرمته ..
واذا طفر بج عندج خدمه الامين خلهم يتصرفون وياه ..
ها لو يباج صدق ماجان ودرج وراح عررس بس يبا يتسلى ..
ويبا يعرس ع حرمته توهم معرسين ويبا يتقدم لج ؟؟!!
هذا شكله يااهل ولد امس والزواج عنده لعبان تعال وعرس استغفر الله
زين منج سويتي حقرتيه لا تعطينه ويه ولا ترخصين فعمرج وتسوي له سالفة مثل ما سوا بج وعرس طبيه واحقريه وبييج ولد الحلال اللي يصونج ان شاءالله
الله يرزقج بالزوج الصالح اللي يعرف جيمتج
***اصحن يابنات هذا شغل الشباب مخلين بنات الناس تسلية وعقب يقولون بنعرس اهلنا حصلولنا بنت الحلال
الله يعينج اختي اذا حاول مرة ثانية يتواصل معاج وفقيه عند حده و قوليله ان هاي اخر مرة يحاول يتواصل وياج
و المرة الياية بتعطين رقمه للامين و بتخبرين أهلج
و ان شاء الله يبتعد
بالتوفيق
اقطع التواصل ولا تردين عليه خير شر وان زودها خبري اهلج عنه وسوي نفسج ماتعرفينه ولاتعرفين كيف محصل رقمج
– – – Updated – – –
اقطعي**