حايرة ما بين اهلي و زوجي

انا متزوجة صارلي سنتين ونصف عانيت كثير من المشاكل مع زوجي بسبب تآخر الحمل وكنت اعيش مع بيت اهل زوجي
وزوجي من النوع المتسلط والي كلمته مابتصير ثنتين وبصراحة انا كثير احبه

صارت معنا مشاكل كثيرة ومن بينها ان اهلي واهل زوجي ماصاروا يتكلمون مع بعض مع العلم زوجي يصير ابن عمي

وحاليا انا في بيت اهلي لان هو زعلني وقالي انا ماعاد بدي شوفك لانك مابتحملي ولا بيصيرلك اولاد
مع العلم نحنا سبب تآخر الحمل مني ومنه انا عندي تكيس وهو عندة الحركة صفر

عاد زعلني وقالي خلي اهلج يرفعولج محامي لاني بدي يصير عندي اولاد وبالفعل اني رحت بيت اهلي
ورة اسبوع تقريبا ارسلي الغراض تبعي

وبعد مرور شهرين على وجودي ف بيت اهلي .اتصل بخالي وقالي انا بدي احكي مع زوجتي وهي مسكرة تلفونها خالي قلو م انت الي مزعلها وانت الي بدك اطلقها وهو حكة عني حكي مش منيح قدام الكل

وبعدها اني رضيت اني احكي معاه بالتلفون وقالي ها رح ترجعي لو لا
انا قلتلو مابقدر لازم ابوك يجي لعند اهلي ويصالحني قالي ابوي مالة شغلة بينه
مع العلم هو ابوه وامه كانوا سبب هجمان بيتي لان دائما بيحكولو عني اني انا مستحيل يصيرلي اولاد
وانهم بدوا يزوجوا وحدة تانية

واهلي كلهم واقاربنا لما عرفوا انو بدوا يرجعني قالولي لا انتبهي هذا شخص مؤذي ورح يآذيكي ويدمر مستقبلك

وهو لما حكى معي قالي انا وانتي رح نلتزم بالعلاج واصبر ليحد مابيصر عندنا اولاد وعطاني وعد

المشكلة انو انا مرتين ازعل وكان لما يصالحني يوعدني انو رح يعيشني احلى عيشة وانو مابدوا يتزوج وحدة تانية ورح يكمل مشواره معي لكن بس ارجعلوا ويصير على رجوعي اسبوع بيتحول لانسان تاني
يبدي بيعيط عليه وبيضربني ويهملني واكثر الاوقات بيكون مع اصحابه ولما يرجع للبيت حتى ما بيكلمني

واهلي الان مانعيني حتى من اني ارد عليه لان هو بيتصل وابوي قلي هذا الانسان كاذب ولا تصدقيه
هو بدو يرجعك عشان يآذيكي

وانا مرتين دست على كلام اهلي وكنت برجعلوا وكان بيطلع كلامهم صحيح وهالمرة الثالثة خايفة انو مابطيع اهلي وارجعوا واتندم

خصوصا اهلي قلولي اذا بترجعيلوا ونحنا مش راضين عنك انسي عندك اهل لان نحنا اهلك ونحنا ادرى بمصلحتك وادرى ان كان زوجك منيح معك ولة لا

لا ترجعين له إذا مافيه احترام وفوق هذا ضرب واهانه وقذف ( الكلام اللي قاله عنك)
مااشوف شي يخليك ترجعي لعنده وخصوصا انه ما عندكم عيال ،،، استخيري اولا واخيرا
واهلك مالهم بديل مهما كان لا تفرطي فيهم
واذا كان معهم الحق فاسمعي كلامهم هم ادرى