مرحبا خوااااااااااااااااااااااااااتي…
فالبدايه انا عمري 25 سنه ومطلقه والحمدلله رب العالمين انخطبت الحمدلله لشخص اخلاق ودين ما شاء الله عليه أي بنت تتمناه انه يكون من نصيبها لانه بيسعدها في الدنيا باذن الله وبيحاافظ عليها والكل يشهد باخلاق هالانسان..
وانا تعلقت فيه واااايد وهو بعد نفس الشي..واهلنا يعرفون بعض من زمان وعلاقتهم قويه ويا بعض..
المشكله لما رحنا سوينا فحوصات الزواج من بعد ما حددنا الملجه والعرس والقاعه…طلعت انا حامله للأنيميا المنجلية وهو حامل للثلاسيميا وحولونا على المحكمه وفي المحكمه رفض القاضي الزواج..
لانه التقرير الطبي قال انه 25% طفل سليم و 25% طفل حامل للأنيميا المنجليه و25% طفل حامل للثلاسيميا و25% طفل حامل للإثنين وممكن انه يحتاج نقل دم…مش مصاب بالثلاسيميا
طبعا نحن من الامارات الشماليه والمحكمه رفضت الزواج..واللي عرفته انه في بوظبي يوافقون لهم عادي بس اللهم يوقعون على ورقع اخلاء مسؤوليه..
بنات منو تعرف حالات مثل حالاتنا وكيف وافقولهم ع الزواج؟؟ وشو اللي ممكن نسويه عسب تتسهل أمورنا؟؟ خاصه انه نحن مش عندنا احتمال طفل يحتاج نقل دم وهالاحتمال صغير..
طبعا اثناء الحمل في كشف مبكر للجنين في مستشفى لطيفه من الشهر الاول وهالشي يساعد على سلامه الجنين..
وكل شي على رب العالمين كل شي يسير يقدرته…
أنا احااااااتي واااايد وادرس الموضوع من كل الجوانب سواء السلبية أو الإيجابية…
بغيت رايكم بنات للي عندها خبره او اللي شافت حالات شرات هالنوع..
اللي عندها نصيحه او شي ممكن تفيدني فيه حياها الله ويزاها الله خير…واللي عندها رد يجرح بليز خلج بعيد عن الموضوع
ياالله صعبه الله يعينج والله
اسال الله ان يشفيكم ويجمعكم على خير
الله يعينج عيل انا حاملة الثلاسيميا
والله ياقلبي الله يشفيج لاكن انا كنت فلندن للعلاج وشفت حالات اطفال يعانون من هالامراض بسبب ان الوالدين يحملون المرض بس خامد وربي معاناه وعذاب كيماوي وزراعه الله يشفيهم ويشفي كل مريض ولايبلانا لاكن لو في حالة انه بس احد الوالدين حامل للمرض وهو خامد حتى لو انصابوا به الاطفال يكون اخف ومايضرهم ،،،،،،، فكري فالاطفال
واستخيري وربييقدر لج كل خير حمدلله انج عرفتي الين ولاعقب يوم يطلعون عيالج مرضى وتفحصين وتكتشفين انج انتي لاقدر الله كنتي سبب فمرضهم ،،،،،،،
اتمنى ان مااكون زعلتج او جرحتج كلنا معرضين للابتلاء حمدلله
واستخيري استخيري واستشيري دكاتره متخصصين اكثر واكثر ولو شفتي انه في مجال يتجنبون الاطفال المرض توكلي وعرسي ،،، الله يقدر لج كل خير ويفرح قلبج
اختي
هاي خيره من اللهر
مب انتي استخرتي قبل فالخطوبه!
صح تيسرت الامور لكن هذا عائق من الله
اختي اذا انتي ماكنتي تدرين انج حامله للانيميا المنجليه
و لا خطيبج يعرف انه حامل للثلاسيميا
و انتو ماتعانون من اعراض هالامراض
يهون عليج تعذبين ضناج ب مرض انتي ادرى ان ممكن يصيبه !
عذاب الانيميا المنجليه والثلاسيميا كبيره
انصحج اقري عن هالامراض و خلاف دوري قاضي يزوجكم
المشاركة الأصلية كتبت بواسطة شمه الشطوره 
اسال الله ان يشفيكم ويجمعكم على خير
أمين يا رب العالمين..مشكورة ويزاج الله خير
المشاركة الأصلية كتبت بواسطة NiceLondon اختي انتي متزوجه او لا؟؟ وحامله الثلاسيميا ما تعاني من أي اعراض للمرض..