خواتي المتزوجات هل العيشه اللي انتوا عايشينها مرتاحين منها
يعني خلنا انكون صريحين في الكلام لانه لو كتبتوا وطلعتوا اللي في خاطركم محد بيعرفكم
فخلنا نتناقش شويه عن الازواج هالايام …. ولاتنسون بكل صراحه
انا احس الرياييل هالزمن مافيهم احساس يعني الرومانسيه مخلصه عندهم يعني مو بس الرومانسيه
يعني يوم يقعدون مع حريمهم مثل البلمان مايتكلمون يعني موجود يالجسد ولكن بالعقل الله اعلم هو وين
يعني نادر مابيطلع ام عياله طلعه رومانسيه لو عندها عيال اتحججلها بالف حجه
الحرمه تبادر بمقولة تهادو تحابو الرياييل قلة عندهم …
يوم يسير الدواد مايرد على الموبايل دايركت عقب نص ساعه بيرد …. لوطرشتيله مسج رد طرشلج مسج الاسبوع اللي طاف …. يعني ماشي ذاك الزود
مرضتي … موذاك الاهتمام ولو هو مرض غديتي النيرس له وعاد ياشين الريال يوم يمرض جنه سيلانيه مايقهرون المرض واحنا نستحملهم ويكسرون خاطرنا
ليش تالفونه ماينفتح الا برقم سري …. وليش التالفون الثاني دايما في السياره وعلى السايلنت
ليش مسجاته ممسوحه قبل لاينام ….
ليش يوم تتلبسين مايثني بكلمه حلوه الا اذا عصرتي عمرج وسويتي كم حركه علشان ينتبه حضرته
ليش ينسون يوم ميلادنا ….
ليش عيالنا يوم ينجحون مايثنون على درجاتهم على طول هدايا ولاتذاكر سفر ليش … طعم النجاح قبل غير
ليش بس يحبون يعلقون على ادناة شي واذا قلنالهم فيكم هالشي الفلاني جلبو الدنيا وزعلوا
ليش اللي يلبسون حريمهم انقبه وعبي الراس عينهم زايغه على المكشوف
ليش يوم يسافر مايكون ان كووول معاج ويوم انتي اتسيرين بيت امج 24 ساعه يتصل
ليش يبات في الفنادق مع ربعه … وان يا دورج ظربته بيده ومرض … سبحان الله
ليش الرياييل جدام اهالييهم بويه وجدامنا بويه
ليش يقول لاتصاحبين فلانه وعلانه وهو ربعه فيهم مليوون عيب
ليش بس نسمع الكلام المعسول في هذيج اللحظه ليش … وبعدين اين البقيه
طبعا هالملاحظات مابتتطلع الا بعد عشره ……..
شورايكم اتحطون ملاحضاتكم يعني اللي فيها اي نوع من الانفجار في اي ساعه حياها في موضوعي اطلع اللي في خاطرها وتتطلع شو المشكله بتمين كاتمه شو بتاخذين من الدنيا
اهنيه في المنتدى معرفه بالنكات فقط لكن محد يعرف حد … فخلونا نفضفظ لبعض وانواسي بعض
علشان نعرف ونتبادل الحلول و يمكن امبينا انسانه فاهمه في امور تمر علينا ….
شو بلاكم على الريايل خخخخخخخخخخخخخخخ
هههههههههههههههههههههه الحرمه عاطفيه لازم فرق
المشاركة الأصلية كتبت بواسطة بنوته18 
لاوالله يحليلهم رياييلنا لكن بعد صدقيني الحرمه تمر بظغوطات
الله يعييييييييييييييييييييييين
في اشياء صدقتي فيها وفي اشياء مب كل الرياييل
ما بنظلمهم
انا مرات اضايج اذا كنت مريضه اتافف وانت كله مريضه
وما طلعني اغير جو مع انا لو مرض شوي وبشله
وبعد اللي يقهر تعلقهم بالربع انا عندي عقده ريلي كل حياته كره وربعه
ويوم اقول شي عنهم يعصب يقول ليش ما لي وقت راحه
اوكي ونحن …. ما بظلمه بس ربعه اهم شي لازم جنهم حبة دوا
اقول بسكت وبطنش بس مرات تطفرين
ومرات اقول ما بقول بطلع لين هو يقول بس يمصخها وما يقول يعيبه اني ساكته
بس اذا قلت بطلع ويا حد يعطيني كثر ما ابى وما يعارض
مع انه واااايد يدلعني وما يخلي في خاطري شي بس لو نفتك من الشله
مرات اقول صح برايه لازم يغير جو بس مرات يمصخها
وبعد فيه شي احس مب متعلق في عياله وااايد البنت ممكن بس الاولاد يعني
مرات يطلعهم وياه بس اذا انا قلت وحتى الهدايا لهم لازم انا اقول
الله يعيننا
هاي توها ربيعتي فالتافون اتخبرني وعادي سمحتلي اكتب عنها
اتقول ريلها مسافر ومخبرنها انه ساكن في الفندق الفلاني اتقول يت اطرش رصيد من تالفونه ويوم شافت المسجات
شافت مسج الخدمه البنكيه (انه يوم تشخطون بالكريتدد سيده ايكم مسج )
المهم حصلت انه كان ساكن في فندق ثاني ….. يعني جذاب … ليش .. هي تضحك لانها اتقول متعوده على حركاته وبياخته