السلام عليكم
مرحبا حبيباتي
اختكم جايه من السعوديه الاسبوع اللي جاي وحابه استفسر عن بعض الاشياء لان اختي عروس وتبي تشتري جهازها من دبي
وما لقيت غيركم يدلني ويساعدني …
ابي بوتيكات ومحلات فساتين اعراس ووين مكانها الله يرضى عليكم (( يعني اوصفوا لي المكان ))
مكان يبيع العطور المركزه والعطور الاصليه الفرنسيه بس تكون ارخص من فيسزز حتى لو تعبيه دبي …
ابي مكان يبيع عود خشب ودهن العود …
ابي عبايات فخمه واسعارها مناسبه …
وابي اقمشه فخمه وحلوه واسعارها حلوه …
ادري طولت عليكم بس ان شالله ما تخجلوني
تحياااااااااااااااااااتي
وعليكم السلآم ورحمة الله وبركآآته..
حيآآلله هل السعووديهـ نورتوآ البلآآد ^^
حبووبه بخصوص فسآتين الاعرآس روحي شآرع الرقه في دبي كله محلآت فسآتين..
وبخصوص البآقي اتمنى البنآت يفيدونج ^^
والله يتمم لهآ على خير يآآرب.
تسلمين اختي
هلا الغاليه ..
مكان يبيع العطور المركزه والعطور الاصليه الفرنسيه بس تكون ارخص من فيسزز حتى لو تعبيه دبي …
محل كرجي في في الاتحاد مول في منطقة المزهر في دبي ..
ابي عبايات فخمه واسعارها مناسبه …
عبايات فخمه .. اذا تبين تصميم المواطنات ف غالي وعندهم شغلات حلوة ..
اما تصميم محلات عاديه او يقلدون تصاميم المواطنات عندج في دبي مركز بو هيل و الشارجة عندج مركز عهود و مركز حلوان و عيمان ماعرف اسم المنطقة للاسف بس عندهم مجمع العبايات ..
وابي اقمشه فخمه وحلوه واسعارها حلوه …
دبي .. السوق الكويتي و سوق الوصل
الشارجة .. سوق المركزي و سوق السور و السوق القديم ..
اما اذا تبين قطع جدا فخمه والاسعار مرتفعه عندج مركز الغرير .. قطعهم تخبل بس الاسعار ناار ..
ادري طولت عليكم بس ان شالله ما تخجلوني
ما قصرت بريتي صول 
موفقه
حيالله اهل السعووديه
نوورتوو
الغاليه محلات الفساتين ف شارع الرقه وجميرا
وربي يووفق اختج