مرحبا بنات عندي سوال عن جامعه الشارجه
هل اقدر اقدم ف الفصل الصيفي لها السنه ؟؟ ولا لازم اكون مسجله من فصل الربيع عشان يخلوني اسجل ف الصيف ؟
لاني انا ابغي اسجل ف فصل الصيف فمب عارفه اذا بيقبلوني ولا لا ؟؟
وسوالي الثاني ابغي اعرف تفاصيل عن كليه الاتصال تخصص باجلر علاقات عامه شو هالتخصص بالظبط ؟ وهل هو مطلوب ؟؟
كم سنه ؟؟
خبروني اكثر عن جامعه الشارجه كيف الحياه الجامعيه اللي فيها والنوادي اللي اقدر اسجل فيها ؟ اممم الرحلات الترفيهيه كلللل شي ابغي اعرف عنها دراستها سهله ولا معقده ولا وسط
اممممممم شو اللي لازم اسوي كطالبه مستجده ؟؟ وكيف ارتب جدولي واذا احتجت كتب وجي شواسوي ووين روح ؟
هل بكون معا بنات اكبر عني ولا اصغر هههههههههه ابغي اعرف كل شي بليز لاتبخلون علي
اممم شو النصايح اللي لازم اسويها ؟ وبشو تنصحوني كطالبه مستجده ف جامعه الشارجه
وبسسسس ومشكورات ^___^
ماعرف شي عنها الله يوفقج
اتصلي عليهم واسالي
ههههه بالتوفيق اختي ……اتذكر يوم سجلت في الجامعه مافكرت في الموضوع ……بس ردت اخذ الجدول واشوف اي محاضره ……بس كنت اعرف بعض البنات لزقت فيهم ….. بس كنت كثير متخوفه اني …. مادش الفصل الاول عشان خفت يروح علي سنه والكل يسبقني وانا اظل من غير شي …….
وتسهلت الامور ……..بس يوم تخرجنا الكل اشتغل الا انا …….لوووووول لازم في تاخيره …..نصيب
ليش تبين تبدين في الصيف؟ والله تعععب ، و في رمضضضان!!! أنصحج تترين لين فصل الخريف ٢٠١٥ ، و غير عن جي كلاسات الصيف ساعتين!!!!! مب نفس باقي الاوقات
انا تخرجت ٢٠١٤ من الثانوية وببدا في فصل الخريف ٢٠١٥ عقب ما خذت سنه اجازه و ارتحت
اذا عندج اي سؤال ، كلميني ترا الاهل كلهم في جامعه الشارجه واعرف كل شي عنها
ع فكره اذا تبين تبدين الحين تقدرين ، قصدي حق فصل الربيع اللي بيبدا شهر ٢
موفقه
أنا درست بجامعة الشارجة و تخرجت من إعلام إلكتروني دفعه 2024 و من رآيي تبدين بالخريف أفضل .. لأنه الصيف تعب .. و الدراسة حلوه بالجامعة و لا تحاتين شي .. و جدولج يترتب من المرشد أول كورس و بعدين عكيفج إنتي و حظج عاد بالمساقات اللي تنطرح و تخصص علاقات عامه تخصص حلو و مطلوب و دراسته سهله مش معقده أبد و بتستانسين و بتتعلمين أشياء يديده و معلومات حلوه و لا تحاتين لو عندج أي سؤال كلميني خاص .. ^^