السلام عليكم خواتي
أنا السنه اليايه ان شاء الله آخر سنه في المدرسه …
و أفكر أدخل جامعه الاتحاد …
فأبغي منكم تخبروني عن التخصصات اللي فيها
و سمعت انه بيزيدون تخصصات يوم بتنتقل الجامعه للمقر اليديد … صح الكلام ولا ؟؟
و بعد أبغي اعرف كيف الدراسه في الجامعه
خاصه انها مختلطه …
و المواد صعبه ولا سهله ؟؟
شجعوني عشان أقرر … ما أبا أدخل ثالث ثنوي و أنا ما اعرف وين بسير عقب *_*
أتريااااكم ..^^
^ــ^ــ^ــ^
up
up
up
مشكورات خواتي ع الرفع …
هلا عزيزتي
اضغطي عهالرابطــ
مشكوره اختي ع الموقع …^^
و انا داخلتنه من قبل بس..
أبغي اعرف آراء البنات بالجامعه ..
و يخبروني عن تجاربهم فيها …
أترياكم بنااااات..^^
هلا اختـي^_^
انا ادرس فالجامعه دفعه 2024 ^^
عن التخـصصات شي هندسه ،علوم حاسب الي ، نظم معلومات الاعمال ها تخصصين في واحد يعني ( اداره اعمال +IT) وشي كليـه التربيه ( انجليزي ) ، الترجمه والادب ^_^ وها الموجود حاليـا،،
يقوولون بيفتحوون تخصص الشريـعه واللغه العربي واحتمال المحاسبه ع المبنى اليديد ^_^..
ووالدرااسه ماشي سهـل والحيـن امشددين بس الي شاد حيـله صراحه امشـي ،
انا تخصصي تربيه انجلـيزي هو زين بس دكاتره مب شي
..
والي عندها التوفل او الايلـس ابصراحه ابسرعه اتمشـي وانا اتلعوزت سنتين لين يبت التووفل والحـين بادين تخصص،،
اذا تقدرين من الحيـن حاولـي تدربين وخذي دوراات ^_*
واي شي حااضـره ،،
والسموحه