السلام عليكم
عندي استفسار يخص جامعة زايد متى يبدأ التسجيل فيها اي شهر
وشى شروط القبول والأوراق المطلوبه التي تخص الالتحاق
وسؤال اخير بالنسبة للايلتس هل نصيحتكم نييبها ولا ناخد اللفلات
وشو التخصصات اللي ينصح فيها فالجامعة
شروط القبول انه نسبتج ف الثنويه 70٪ وفوق
وتكونين ماخذه امتحانات السيبا ويايبه فيهن درجه
القبول و على اساس درجاتج يحطونج ف اللفل
اذا محتاجه واذا حاطينج ف لفل اقل عن 8 ويبتي
الايلتس ف يخلونج تمتحنين عقبه امتحان تحديد
مستوى لكن اذا حطوج لفل 8 ويبتي الايلتس من
برع ف تدخلين الجنرال بدون هالامتحان الثاني
والاوراق المطلوبه هي صورتين شخصيتين والجواز
هالاشيا تعطينهم اياها قبل لا تمتحنين السيبا واذا
قبلوج عقب بروحهم يسوولج البطاقه التعريفيه وبس
اما رسالة القبول بتوصلج ع البريد اذا كانت جامعه
زايد اول اختياراتج
بخصوص التسجيل، يكون ع مرتين مره اتوقع من
1/6 لين 15/7 والثاني من 15/11 لين 1/1
لكن تأكدي من هالشي من خلال الجامعه اتصلي ع رقمهم
موجود ف الموقع
من ناحيه التخصصات، اول سنه ونص بتدرسين جنرال
والمواد مالها علاقه بتخصص معين وخلال هالسنه ونص
انتي ابحثي واسألي البنات اللي تقابلينهن عن التخصصات
وبتكون عندج ماده اسمها كارير هني يشوفون فيها شخصيتج
وشو من التخصصات اللي تناسبج ف بتحسين عقب هالماده
انتي شو تبين بالضبط يعني لاحقه ع التخصص بس حطي ف
بالج من الحينه انتي شو تبين كـ خيار أولي وهالخيار يا بيتغير
عقب سنه ونص من الجنرال او بيتم مثل ما هو اذا مقتنعه فيه ^^
مشكورة حبيبتي المعلومات الوافيه يزاج كل خير يارب
العفو فديتج 
بالتوفيق
جامعتنا حلوه بس مشكلتها قلة النخصصات ونظام اللفلات
بس نطام الليفيل حلو …لان المستجدين مرات في منهم عندهم نقص في الاساسيات الانجليزي ورياضيات وهذا تعاني منه اغلي الجامعات
كنت اتمنى جامعتنا لو فيها نظام ليفيل