ثورة التغيير ؟؟ مرحبا بكم

انا جربت ::: الغسالة بروحها والنشافه بروحها :: فنانه بصراحه لانج تحطين في الغساله الصابون والداوني وبروحها تغير الماي عقب الصافي وتنشف الثياب عقب تحولين الثياب لين النشافه
وينشفن الثياب وعلى طول على الكوي والمهم انها تشل الفرش بدل ما تودينهن المغسله غسلي الفرش لكبار فيها ::: روعه بصراحه

غرفة الغسيل انا سويت جزء للغساله والنشافه والجزء الثاني للكوي ومهم جدا تحطين مروحتين على الاقل عشان المكان يجف بسرعه :::

وعن الاسماك انا اموت فيهن لكن قبل كان عندي حوض للسمج وتعبت من كثر تنظيفه وتغيير الماي فشليته وناويه اييب يديد لانه فيه انواع يديده الحين فلتر الماي منهن وفيهن وتبديل الماي يكون بسهوله من خلال فتحه ممدوه بانبوب ::: لكن كل ما اييون ضييوف يدورن على حوض السمج وينبهرون جنه ما عندي شي غير ..

وعلى فكره فيه خلطه خذيتها من احد المنتديات لتنظيف الحمامات ( عزج الله ) وهيه عباره عن معادله بين اي صابون لغسيل الصحون والكحول تحطينهم في مرش او هالدبب اللي يبخن و تعلمين الشغاله ترش شويه مب وايد عشان عقب يرشب تراه لكنه فعلا مطهر و ريحته روعه حتى شغالاتي يداد عايبنهم يقولن ريحته عجيبه واول مره يشوفون هالخلطه

هذا اللي اقدر افيدج فيه

وعن باقي الاسئله الاخوات ما بيقصرن
رغم اني ما عرفت شو تقصدين بالعطور يعني تبين اسامي عطور حلوه ؟
والاشياء اللي فادتنا في المطبخ تقصدين المنظفات ؟؟