صبَاح مسَاء الوُرد صبــــَايا َ
أنـا خَاطري خاطري اسُوي ثقب ثانِي فِي أذني ، بس اخَاف من الالم ، لأن يقُولون انه يثقبُونها بدُون تخدير ، بس يحطُون مسحَه طبية .. أخـاف يكون فـيه ألم وايد
فاللي مجَربه تخَبرني ، لأني ابَا حد يشَجعني
وُ أبَا مكَان مُوثوق فِ راك اوُ دبي ….
وعِندي استفسَار ثَاني بخصُوص ‘الشّامة’ .. ابا اعرف وُين يسُونها ، ما اقصد الشّامة الكبيره.. أنا فيني شـامه بَس اباها توُضح شوي طشه.. وين اسير ؟
وشُكراً
هلا اختي
انا من شهرين مسويه
و هيه مايحطونلج مخدر و بلعكس مايعور اصلا
جنه حد قرصج بس ها اللي بتحسينه و بتعطيج كريم حطي عليه عشان ما يلتهب
بس اول اسبوعين بتحسين بعوار خفيف يوم بترقدين و عقب خلاص
بس انا مسويه ف بوظبي و ان شاءالله البنات يفيدونج
الثقب الثاني انتبهي احيانا يسوونه في الغضروف الي في الاذن يكون الالم فضيع
ثقب الاذن اول او ثاني مره ما يعور لانه يسوونه بالمسدس يعني سريع وايد ما تلحقين تحسين بشي ……..ما تحيدين اول مره سويتيه كيف ؟؟؟؟
اعطاء الشامه لون اغمق من اللون الحالي يتم في مراكز التجميل ويحقنونها بشوي من مادة التاتو
بس نصيحه شخصيه لاتسوين هالشي عشان ما تتطور الشامه الى شي ثاني العياذ بالله
هلا عزيزتي ،،
أنا من 6 سنين او اكثر رحت مع اختي وتثقبنا ثقب ثاني ،، انا ما عورني وايد مثل ما قالت اختي (كلي مزاج)
أما اختي ما قدرت تتحمل لأن الاذن الثانيه ثقبوها على الغضروف وكان يعورها المووووت واخرتها فصخت الشغاب وتسكر الثقب.
عن تغميق لون الشامه ،، انا سويتها في مركز هلن في بوظبي
بس عقب ندمت لأن يوم سألت قالوا لي انه يدخل بحكم الوشم (انه حرام) فأنصحج ما توسينها
انا اختي تاخذ الصبغه (الحنا السودا) وتسوي لها الشامه (اتم اسبوع الى اسبوع ونص تقريبا)
صديقتي مسوية قريب ويألمها وايد يمكن بالغضروف كنت ابا اسوي من شفتها تتالم نسيت السالفه 
ماتعور عادي بس اهم سي مايثقب في الغضروف لان يعور