السلام عليكم ورحمة الله وبركاته
خوااتي انا حامل اول الثامن تقريبا , وعلى التصوير بين ان البيبي عندة توسع في الحالب ,,
الحمد لله على كل حال بس انا خايفه …
حد مثلي قالولهاا جيه وشو صار بعد الولادة؟؟
ودعواااتكن اليه …
وشكرا
سوي تصوير ثاني عند دكتورة ثانية ولا تخبرينها …
وان شالله التشخيص ما يكون صحيح
سويت واكدت لي ان صح
انا بولدي الاخير قالو لي عنده توسع بحوض الكلى ,, ما اعرف لو نفس حالة ولدج
وقالو لي غالبا بعد الولاده يرد طبيعي..
وبعد ما ربيت عطوه موعد الترا ساوند علشان يجيكون التوسع زاد ولا
وطلع نفس ماهوو ..
والحينه كمل سنة وبعده التوسع نفس الشي .. الدكتور يقول المفروض يقل التوسع .. بس بحالة ولدي لا زاد ولا نقص ..
بس في حالة ان التوسع زاد … يسوون اشعة صبغة .. ويمكن يحتاي جراحة …
والله يطمنج على جنينج .. وتربين بالسلامة
المشاركة الأصلية كتبت بواسطة فروحـه 
وقالو لي غالبا بعد الولاده يرد طبيعي..
وبعد ما ربيت عطوه موعد الترا ساوند علشان يجيكون التوسع زاد ولا
وطلع نفس ماهوو ..
والحينه كمل سنة وبعده التوسع نفس الشي .. الدكتور يقول المفروض يقل التوسع .. بس بحالة ولدي لا زاد ولا نقص ..
بس في حالة ان التوسع زاد … يسوون اشعة صبغة .. ويمكن يحتاي جراحة …
والله يطمنج على جنينج .. وتربين بالسلامة
انزين اختي استخدمتي ادويه ؟؟
وشو صحة ولدج ؟؟
تعبتي معاه ولا اتحسين انه طبيعي هالشي مب ماثر؟؟
عندج فكرة كم حجم التوسع اللي عند ولدج؟؟؟
الله يشفيه ويطمنج عليه يارب
الله يطمن قلبج
هلا حبوبة
أنا كان ولدي شرات ولدج بس ما خليتهم يلعبون بولدية سويتله عملية برا الدولة والحمدالله نجحت
و على فكرة تراا يوم بتربين بتشوفين ولدج بخيير ومافية شي يعني هذا الشي ما تعرفينة لو ما صورتي
والله بقومج بسلاامة فديتج