مراحب حجيات اللي حجن واللي بيحجن السنه واللي بيحجن يوم الله بيكت لهن
المهم خواتي نحن بنسير الحج السريع فماشي مجال نشرا من هناك قالو لنا يادوب بيكون لنا يوم واحد وكمن ساعه بس بنفظى فيهم حق المشترا
أنا قلت أخلص من ألحين وهناك أخذ التمر وماي زمزم والمسابيح ومن هالسوالف مال الحج
بس من وين اخذ الأغراض أنا امفكره من السوق الجديم وإذا في محلات معينه تنصحوني فيها أكون شاكره لكم
وشو اخذ بالضبط وكم تقريبا تكون التوزيعات اكيد بتكون للمقربين والباجي بعطيهم تمر وماي زمزم
الله يسسر لنا أمورنا وجعله حج مبرور وسعي مشكور
السلام عليكم ورحمة الله وبركاته
اختي تبين نصيحتي ..!
سيري ججي يزاج الله خير .. زين تسوين ..
وارجعي انتي وعباتج ..
لأن الكل يعرف إنج سايرة تحجين تعبدين ربج ..
مب سايره تتشرين .. وتوزعين ع الناس ..
مثل ماقلتي ..
يكفي ماي زمزم .. تمر .. مسابيح .. بركه والله .. الحمدلله
..
ماله داعي تكلفين ع نفسج .. قطعه قماش مابتحرك شي ف قلوب النااس
لأن انتي اللي حجيتي وانتي اللي سعيتي ..
السموحة اختي .. بس هذي نصيحتي ..
والله يسد الزمزم والتمر .. احلى شششي ..
بارك الله فيج
المشاركة الأصلية كتبت بواسطة women-uae 
اختي تبين نصيحتي ..!
سيري ججي يزاج الله خير .. زين تسوين ..
وارجعي انتي وعباتج ..
لأن الكل يعرف إنج سايرة تحجين تعبدين ربج ..
مب سايره تتشرين .. وتوزعين ع الناس ..
مثل ماقلتي ..
يكفي ماي زمزم .. تمر .. مسابيح .. بركه والله .. الحمدلله
..
ماله داعي تكلفين ع نفسج .. قطعه قماش مابتحرك شي ف قلوب النااس
لأن انتي اللي حجيتي وانتي اللي سعيتي ..
السموحة اختي .. بس هذي نصيحتي ..
والله يسد الزمزم والتمر .. احلى شششي ..
بارك الله فيج
يزاج الله خير أختيه ع النصيحه
أدري إني سايره اتعبد وأجابل ربي عسب جي ما أبا أشغل نفسي بالمشتره هناك
بس هاي عاده عندنا نوزع ولو شي بسيط ما قلت بسوي توزيعات وعفسه شي بسيط سياده ولا قطعه
الناس تسير العمره يومين ترد لج بهدايا تارسه الجيس
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
نفس تفكيري
خاصه انها اول حجة لحد من بيتنا
ف قررت انا واماية
نروح سوق نايف
ونشتري سياييد صلاة عالاقل 3 درازن
ومسابيح
وخراويش لليهال لانهم يحبون هالسوالف … اتذكر يوم نحن كنا نستانس
ومن هناك بس بناخذ ماي زمزم وتمر
ونحن اللي بنروح الحج.. جمعنا مبلغ ….. وسوينا منها عيدية لليهال … الامهات اللي بيون يزورونها بنعطيهم عيدية عيالهم
على شكل باقة …. وكل نوط على شكل وردة ^^ وكل ام بتاخذ على قد عيالها …. >> هاي اضافية بس جيه يعني
وكان الله غفور رحيم
وبناخذ من هناك سيادات او شغلات مميزة يعني فيها ريحة الحج للمقربين ^^
مرحب اختى انا سنه الى طافة رحت وخديت كل شى من العين يعنى من سوق مالنا ما يحتاي مناك تشتري شى كله موجود فى البلاد حتى يوم حصلي فرصه اروح ماشتريت لى حق عيالى وعيالى خواتى ام الكل شريتله منيه ما يحتاي وايد الى قطع وعطور ودخون ورياييل سفر ومصابيح موجوده فى البلاد