تقطيع البصل بدون بكاء..
——————————————————————————–
سبب البكا عند تقطيع البصل:
عند تقطيع البصل يطلق مادة طيارة فتتحرك العين حماية نفسها من هياج وإثارة هذه المادة بإسالة الدموع التي تغسل المادة الطيارة .
ولكي تقطعي البصل بدون بكاء قومي بــ :
أشعال شمعة وضعيها بالقرب من خشبة تقطيع البصل،
لأن الغاز المتطاير من البصل والذي يسبب لنا حرقة العيون ينحرق بالنار قبل ما يصل لأعيوننا!!!
طريقه أخرى:
تبلل السكين بعصير الليمون الحامض قبل البدء بتقطيع البصل
أختي أم مزروعي
أنا بقولج على طريقتي … تحطي البصل إلي تبين تقطعينه في الثلاجه لمدة نص ساعة
أو لين ما تحسين أنه صدق بارد …. أنا الصراحه أحطه بالفريزر للسرعة..
وبعدين قطعي البصل و أنتي مرتاحه .. لا دموع بعد اليوم
يزاكم الله خيرررررر
افتدوني لاني اتعايز اقطع البصل وعقب اقعد اصيح …….
والريحة تكون قويه عالايد
معلووومة بس اكيد تعرفونها عقب ماتخلصون تقطيع البصل نفركها بليمون عقب ياسلاام عالريحة
امسات سمعت منال العالم اتقول قصي لابصله من النص وحطيها فماي وخل لمدة خمس دقايق..
وانشالله لادموع بعد اليوم
تسلمووووووون والله
و بعد أنا عندي طريقة
حطي في ثمج عوب كبريت و قطعي البصل و إن شا الله ما بتصيحين
مشكووووووورة ع المعلومات واللي اعرفه انج تقطعين البصل بالقرب من الماي كل شوي تبللينها