اشحالكم خواتي سيدات الامارات ؟؟؟ ان شاء الله كلكم بخير وصحة …..
نزلت لكم تقريري بعد ما انمسحت الصور .. واسمحولي .. الظاهر انا ما اخترت الموقع المناسب لتحميل الصور .. وان شاء الله ما ترد تنمسح الصور مرة ثانية .gif "12 (63)")
….
ما بطول عليكم فالرمسة وبدخل فالموضوع على طوووووووووول …
ونقول بســـــــــــــــــم الله ونبدأ …
طبعا رحلتنا كانت الى فندق أرجان روتانا .. في مدينة دبي للاعلام ..
زهبنا شناطنا وأغراضنا … انا وزوجي وميودي … ^_^
وفي يوم الجمعة تاريخ 15/5/ .. بعد صلاة الجمعة طلعنا من أبوظبي وبالتحديد من منطقة الرحبة .. وانطلقنا الى دبي …. وبخليكم الحين مع الصور اللي خذيتها فالدرب لين ما وصلنا دبي ..
وخذنا الدوار ورجعنا .. عسب ناخذ غدانا من مطعم الصدف
طبعا اتصلنا له واحنا فالدرب عسب يزهب لنا الطلبية .. وقلنا بناخذ غدانا وبنسير نتغدى فالفندق .. لأن ميود نش من الرقاد .. ومستحييييل يخلينا نتغدى فالمطعم …
وكملنا الدرب … وطبعا لين الحين انا مب عارفة وين الفندق ؟؟؟؟؟
الرجاااااااااااااااااااااااااء عدم الرد … بكمل التقرير
.gif "44 (38)")
.. وقالي حجزت فالأتلانتس .. وهو يضحك .gif "12 (69)")
.. .. بعدين قالي .. لا لا لا … اصبري الحين بتشوفين
وأخيييييييرا وصلنا الفندق .. وطلع فندق أرجان روتانا … .gif "12 (56)")
ودخلنا الفندق .. و سوينا Check In .. وخذنا الفاتورة …
وقالوا لنا لازم ننتظر نص ساعة .. مع ان وصلنا الفندق الساعة 2 تقريبا …
ويلسنا فاللوبي …. .gif "12 (10)")
الرجاااااااااااااااااااااااااااااااء عدم الرد .. بكمل ….
وهذي الصالة … يا محلاتها .. والصراحة الصالة وسيعة .. .gif "12 (79)")
وهذا حمام الصالة .. تكرمون .. صغنون …
وهذي غرفتنا ..
وحمام الغرفة .. تكرمون
الرجااااااااااااااااااااااااء عدم الرد … بكمل ….
الحين ياي دور المطبخ .. والصراحة المطبخ عجيييييب .. فيه كل معدات الطبخ من جدور وصحون وخواشيق وكل شي .. يعني عادي اتييبين معاج الأكل وتطبخينه فالمطبخ .. والفرن توماتيكي .. وبعد شي فالمطبخ غسالة .. بس نسيت اصورها
وهذي بلكونة الصالة …
وهذا منظر بلكونة الغرفة ..
والحيييييين ياي دور .. المفاجأة الحلووووووة …
الحوووووووض ..
وطبعا الحوض سااااااااااااتر محد يشوفج … وترى نحنا فوق فالدور الثالث .. يعني خذوا راحتكم .. مثل ما نحنا خذنا راحتنا … والحوض مب غزير وااااايد .. يعني عادي اليهال اللي عمرهم سبع السنين يسبحون فيه …
وبلكونة الحوض ..
بس نحنا فالطابق الثالث .. يعني محد يقدر يشوفنا .. ومافي بنايات مجابلة الفندق …
وبعد ما خلصنا جولتنا فالشقة … ياي دور الغدا .. وانا ميييته من اليوووووع ..
الرجاااااااااااااااااااااااء عدم الرد .. بكمل …
والعصر الله يسلمكم طلعنا .. سرنا مول الامارات .. ولاعة جبدنا من الزحمة .. .gif "12 (37)")
تمشينا شوي وطلعنا .. ورجعنا الشقة … وعالساعة ثمان ونص تقريبا .. اتصلنا بيتزا هت عسب اييب لنا العشا … وعالساعة تسع تقريبا وصلت الطلبية … يمي يمي .. لذيذة الباستا …
وبعد العشا .. رقدت ميود … وسرنا نسبح فالحوض والماي كان بااااارد … بس كششششخة
وهاي صور الحوض بعد السباحة .. وطبعا رشاش الحوض يتسكر عالمغرب .. ويرد يفتح الفجر ..
وخلص هاليوم والحمدلله … مر على خييييييييير ….
ونشينا الصبح .. واتريقنا … فول وكرواسون ولبنة وجبن …
وودعنا الفندق .. على امل العودة له مرة ثانية … .gif "13 (47)")
وفي النهاية … اتمنى التقرير يعجبكم .. والله ظهري اتكسر من كثر اليلسة … واذا ما عجبكم بس ابغي منكم تدعولي ان الله يحفظ لي أهلي وزوجي وولدي
ولا يغير علينا ويجمعنا في جناته .. آآآآآآآآآآآآآآآآآآمين
والسموووووووووووحة عالاطالة …
السلام عليكم أختي
تسلم يمناج ع هالتقرير الرائع…
والصور روعة …
والله يحفظ لج أهلج وريلج وولدج… ويحفظج الغالية
التقرير رووووعه ومتكااااااااااامل
واحلى شي لما نتصفح الموضووع ويكون متكامل قبل الردود
والله يحفظ لج ريلج وعيالج طووول العمر