مرحبا
كنت ابا اسألكم خواتي متى بتبدون اتفرزون حق رمضان
السمبوسة والمحاشي
العام فرزت وصراحه وايد ارتحت وفر علي وقت
الفطاير
بس سمعت في مدونة ثانيه انهم ايفرزون الفطاير
بس ما اعرف الطريقة اخليها تتخمر واحشيها وفرزها
او اني اخبزها وبعدين افرزها
واذا فرزتها ا بيتغير طعمها
المحاشي
العام ما كفاني الوقت فخلصت المحشي(ورق عنب) قبل رمضان بيوم
واول يوم سويت فيه محشي طلع روعه
اما ثاني يوم والايام الباجيه كان ما اعرف شقايل انهرس العيش عني
واخترب ما اعرف شقايل
يالله بنات اكتبوا تجاربكم وساعدونا
للررررفع
انا بعد ابا اعرف شو الاشياء اللي نفرزها عادي وما تخترب 
انا جربت السمبوسه واصابع الجبنه >> ارتحنا بس ما شاء الله الكميه اللي سويناها خلصت بسرعه
انا العام جربت فرزنت سمبوسة قسمتها في اكياس كل عشر حبات في كيس
وجربت السبرنغ رول مااارة ريحني
واهلي جربوا الفطاير والبيتزا
حتى الحشوات صلحوها وجهزوها وفرزنوها ومتى ما بغوها عجنوا عجين وطلعوا
الحشوة جاهزة من الفريزر
انا بعد جربت سويت صلصة البيتزا
وجبت صندوقين طماط احمرررر وحطيتها بكاس الخلاط (البلاندر)
بعدين علبتها في اكياس وفرزنتها
استفدت منها كثييير للشوربة وللإيدامات بسرعة اطلعها وع القدر على طووول
واهلي يفرمون بصل وثوم مع الطماط ويكيسونه باكياس ونفس الشي للشوربة والايدامات
وجربت بعد خلية النحل عجنتها وحشيتها ودخلتها الفرن ولما استوت خليتها تبرد وما حمرت الوجه
وغلفتها ثم ع الفريزر ولما احتاجها اطلعها قبل بوقت ثم احميها واحمر وجهها واسقيها شيرة
واصابع السويتز بالجبنة الكيري تتفرزن بعد
وعمتي تقول اعجن الجبنيه وافردها واقطعها ثم افرزنها ووقت حاجتها اطلعها وعلى طول اقليها بس انا ما جربت
باجرب هالسنة واشوف ،،،
اتمنى افدتكم حبايبي
بس عفوا اختي
تفريز الفطاير شقايل
اخليها تختمر واحشيها وافرزها؟
والا افرزها بعد ما تطلع من الفرن وتبرد؟
والا اعجنها واحشيها ع طول بدون ما تختمر؟
انا اسوي السمبوسه والمحاشي
اما الفطاير مااعرف
ومنكم نستفيد