السلام عليكم اخواتي
اليوم موضوعي عن اولادنا هل نعلمهم لغة القران و الا لغة الانجليزي لانه انتو عارفين انه البلد كلو بحكي انجليزي في المول و المطاعم و حتى 90% من اطفال العرب ما بعرفو العربي
انا ابني عمرة 2 و نص بس متحيرة معه لاني علمتو العربي بس صرت الاحظ انه لما يلعب مع الاولاد في المولمش كتير بفهم لغتهم و هم كمان ما عم بفهمو العربي!!!
و كمان المشكلة الاكبر انه اغلب المدارس الخاصة ما بترضى اتسجل الولد الا اذا كان بحكي انجليزي!!!!
و بنفس الوقت ما بدي اعلمو يحكي معنا انجليزر لاني ما بدي ينسا لغتة او يطلع ضعيف فيها لانها لغة القران
و مرة سمعت بالتلفزيون انه ما بصر تحكي مع ابنك اكتلر من لغة لما يكون بتعلم يحكي عشان ما يصير عنده خلل بالاستيعاب!!
انا حبيت اطرح هالمضوع لانه عن جد كتير مهم وانا مش عارفة شو الحل
للرفع
للرفع
أختي العزيزة الموضوع حيرنا نحن كمان كتير وانا عندي بنتين واحترت شو اختار لهم عربي او بريطاني ؟ ولكن بعد عدة استشسارات وتساؤلات فضلت انهم يدرسو بالعربي حتى تكون لغتهم العربية قوية لانها لغتنا ولغة القرآن وكمان بأي مرحلة ممكن انو الولد يتعلم يحكي انكليزي يعني اتقان اللغة الانكليزية ليس شرطا ان يكون من الصغر وانما ممكن في اي مرحلة مع دورات وتكثيف جهود بيتعلم بس مسألة انو الطفل يدرس مناهج بريطانية ممكن كثير انها تتعارض مع مبادئنا وقيمنا ومع اساسيات ديننا اعتقد انو بدها تفكير كتير
على كل حال الله يختار الخير لنا ولكم ولجميع المسلمين ويوجهك للصواب لانو المسألة فعلا حساسة كتير
وهادا مجرد رأيي شخصي اتمنى اني قدرت افيدك بشي
للرفع
عزيزتي طاقة الطفل في حفظ اللغات أكبر من طاقة الشخص البالغ !
من الدراسات اتضج انه أنسب عمر لتعليم الطفل اللغات هو سن بداية النطق يعني من طفولته ..
بالعكس أنا علمت ولدي الاثنين عربي وانجليزي وهو عمره سنه و 8 شهور ..
كان في حضانه انجليزيه وكله يتكلم معاهم انجليزي وفي البيت كنت أكلمه عربي ..
و الحمدالله ما صار له خلل في الاستيعاب بالعكس بس يكبر اشوي ابدي فهميه انه الكلمه تحمل معنى عربي ومعنى انجليزي .. مثلا خليه يشوف التفاحه وقوليله هاي تفاحه بالعربي وبالانجليزي أبل و جذه مع باقي الأشياء وبالعكس بيفهم أحسن منا صدقيني ..
صحيح اخت بثينة يمكن للطفل ان يستوعب اكثر من البالغ وليس من الصعب ان يتحدث اكثر من لغة لكن ممكن هو يتكلم عربي اي يتكلم بلهجتنا ولكن لن يكون قويا باللغة العربية كلغة اي كقواعد و…..
واكثر مايقلقني في موضوع الانكليزي هو المناهج التي تُدرس هل هي متفقة مع مبادئنا واخلاقنا ام لا
ام عن تعلم اللغة فأنا اتمنى ان يستطيع اطفالي تكلم اللغة الانكليزية بطلاقة ولكني اخشى كما قلت من تفوقها على العربية ومن المناهج والى الآن رغم اني اخترت العربي لتدريس بناتي لكني اصاب بالحيرة كثيرا واخشى ان تضيع عليهم فرص افضل
ارجو ممن لديها رأي حول هذا الموضوع افادتنا فقد تكون بعض الافكار غائبة عنا
اسأل الله لنا وللجميع الخير والهداية للصواب