هذا موضوعي
https://forum.uaewomen.net/showthrea…ظˆطط¨ظ‡-ط§ظ„ط§ظˆظ„ظٹ%21
الي سالوني ليش سكتي عنه طول هالسنين ترا ف بدايه زواجنا اضاربنا وايد بسبت هالموضوع وانا اشوف ان قلبه وعقله مب وياي وكان يرد عليه انه صارحني من البدايه بموضوعها وان اصبر عليه وقعدنا كم قعده مصارحه عن شو الي مب عايبنا ف بعض وتميت اطنش عشان ما يسبب موضوعها مشكله ف حياتنا وان مرده ينساها وعقبها يانا البيبي ولهيت فيه ولا طرا ف بالي موضوعها ابد خاصه ان ماشفت اي دليل خلاني اشك انه يتواصل وياها
اخر التطورات اني رمست ويالبنت ادري بعضكم ما يايدني بهالخطوه بس بغيت اعرف منها كل شي للامانه كانت ترمسني بكل ادب مع اني كنت اعق عليها رمسات من حرتي وقالت انه بين كل فتره يتواصل وياها ولا فاد وياه لا التطنيش ولا الكلام وانه ينبش من وراها ويراقبها حتى بالسوشال ميديا وانها كنسلت حساباتها حتى ارقامها وقطعت علاقتها باخته بسبته ( هي كانت ربيعه اخته ) مع انها من اماره ثانيه وطلبت مني بالاخير اني ابعده عنها! مبين عليها وصلت حدها وان ريلي للاسف مزعجنها ويبا يتزوجها ويقولها بقنع اهلج! كنت احس بطعنات بصدري وانا اسمع كلامها عن تصرفاته وكلامه
وبعدها واجهته طبعا وما انكر الموضوع وقعد يلومني ليش اتواصل وياها وان الموضوع بينحل بينا! وانا خيرته بيني وبين انه يتغير وينساها والا كل حد يروح بدربه ، ادري مستحيل يفكر بالانفصال لكن قلت جيه عشان يحس بدمه وفيني شوي وبموقفي وياخذ الموضوع جد ، مع ان ادري ماراح يتغير شي مادري ليش مب قادر ينساها؟ وانا الي دايم اساله هل انا مقصره بشي؟ يرد عليه ب لا
دعواتكم ..
تمت الموافقة
الأغلبية كان الجواب أن الاخت ليست مسؤلية عن مشكلتك
فهي متضررة من زوجك
ورغم ماتفعله إلا أن المشكلة في مطاردة زوجك لها
ادخلي شخص حكيم بينكما والله يفرجها عليك من أوسع الأبواب
ياارب لا تجعل في قلب زوجك وعينه من النساء سواك,,وارضاك الله برضاه عنك. وحب زوجك وحياة سعيده دنيا وآخره ….لا تحزني أختي فوالله أصعب الامور وأغربها تتبدل بالدعاء وشكوي القلب للرحيم ..
بقول لك صديقتي زوجها كره حبيبته الاولي اللي ظل يحبها سنين,, كره شكلها,,كره اسلوبها,, قال عليها قبيحه
رغم إنها جميله وبعد ما كان يبي يسمي علي إسمها الحب اتجه لزوجته وسمي ابنته باسم زوجته,,
وكانت صديقتي هذي توجه شكوي قلبها لربها بدون صوت فقط كلما تألمت إلي الله توجهت بدموعها,,بدون سخط علي قدر الله,,تقول يارب إنت وكيلي,,قوتي وحولي لم تصنع لي شيئا,,
لا تيأسي ..فرحمة الرحيم ترافقنا وكل شيئ بيد الله توسلي برحمته وقدرته ,,جعل الله لك من كل هم فرجا
ريلج ما تزوجها عسبت جي يباها
طبيعي مشاعر الريال اذا حب وحده وما تزوجها ييلس يعيش طول عمره اسير للحب
عكس الحرمه تماما
اللي يوم تلقى حب من ريلها تحاول انها تخلي حبيبها مجرد ذكرى
كل ممنوع مرغوب .. هي ما تباه وهو يباها عرفتي ؟
جنه قاعد يدور شي ناقصه .. هذا ماعتبره حب .. خلاص راح وقت الحب ويا هالبنت .. بس هو مب عارف هالشي ..
الدليل ع كلامي انه ما يبا يطلقج يباج ك زوجه
لو ريلج لقى اللي ناقصه صدقيني بيحس ضيع عمره وهو يلاحقها
ساعديه شوفيه شو يدور بالضبط
بالتوفيق
اختي بكلمج بكل صراحة أو خل يكون سؤال
انتي ليش عاطية الموضوع أهمية ومخليتنه محور حياتج؟
طول ما انتي مهتمة وتتضاربين وياه بيتم متذكرنها، خليج عادية وطبيعية
ودوري اي طريقة تكونين انتي فيها محور حياته وتلفتين انتباهه دوم
لا ترمسين البنت ولا تسوين لهم سالفة زيدي من رومانسيتج وحبج وفي نفس الوقت خلج قوية وقوليله دوم انا قلبي من ذهب محد يعرف قيمته
غير اللي يهتم فيه ومن هالرمسة يعني، وبتلقينه أن شاء الله يحاول يتقرب منج ويهتم فيج.
الله يصلح حالكم ويوفقكم
دام وصلتي لهالمرحلة اختي ،، خلاص،، سويتي وااايد من صوبج
ترى العمر اللي يالس يروح منج ما بيرجع،، عقب فترة يوم ريلج بيرجع لج،، بتتذكرين الايام والسنوات اللي راحت منج عشانه بتكرهينه بتستوين انتي ما تبينه،،
خلاص،،، انتي عطيتيه الحل،، الحين سكري الموضوع وعيشي حياتج
سافروا اطلعوا عيشوا الجو،، ما عندكم بيت تبنونه؟
انشغلوا في اي شي غيرها،،،
حطي في بالج الريال مثل الطفل (الياهل) عنيد،، بالذات على الممنوعات
وانتي كل شوي تذكرينه بالممنوعات وما تعطينه،، جي بيعاند وعادي يكرهج ويسميج الخراب
قولي الانسان كم بيعيش حياته،، ترى الدنيا مو كل شي،، ليش نحزن ونعاند ونصيع احلى سنوات حياتنا على شي ،،مردنا بنموت وبنتحاسب جدام رب العالمين على شو سوينا في حياتنا
العمر يمشي باجر بنشوف عمرنا فجاة كبار،،، عندنا عيالنا وهم امانة عندنا لازم ما نقصر فيها ولا في بعضنا،، وعندنا اهلنا لازم نزورهم دوم والعمر يمشي براحة وهنا،،،
جي،،، راويه الحياة الحلوة،، بعديه على الافكار اللي تدور حواليها،،ن لا تخلينها هي محور حياتج،، انتي بتتعبين وهو بيتم معاند اختي
الله يسخر لج زوجج يا رب ويسعدكم
ريلج يباها لانه مب محصلها .. تغلى عليه و طنشيه شكله ريلج يحب شي صعب