السلام عليكم ورحمه الله وبركاته
كيف الحال خواتي وعساكن بخير….الغاليات انا حامل من شهر ونص الحمدلله بس تعبانه من اللوعه ماخليت لا لومي ولاتوت بري حامض ولا روبه حامضه ولا روب وفلفل شو بقى بعد هل اللوعه من 4 ايام وماتخوز لدرجه اني ماشتهي العيشه وايد اكل غصبن عني
فحملي االاول ماكنت جيه بس هل المره غير….؟
وسؤال الثاني الواير ليس ياثر ع الحامل لان لبتوبي شابك النت ع الوايررليس وبصراحه اتروع ماعرف اذا حد سمع انه ياثر او لا…
والسموحه منكن
7 ربدود ومحد جبر خاطري لو بكلم او بدعوه زعلتوني 
أختــي الغـاليـه الورديــه أنــا عــانيــت مـن اللـوعـه مثلــج و كنــت علــى طــول الأربعة أشهــر الأولــى للحمــل بــس الحمــد للــه الـدكتــوره وصفتلــي حبــوب للـوعــه و كنــت أخـدهـا ثــلاث مــرات بــاليــوم و مــا عـاد حسيــت بــاللـوعــه
و قــرأت مـره أن بسكــويــت مملــح يمكـن يخفف اللــوعــه بـس مــا جــربــت ؛؛
اللــه يسهلــج و تعــدي شهــور الحمــل علــى خيــر و تقــومـي بـالسـلامــه ؛؛
مرحبا اختي
الله يتمم حملج ع خير يارب
وترا كل حمل يختلف ومب شرط يكون نفس الشي
وان شاء الله اللوعة بتخف عنج من تخلصين الشهر الثالث
ماعليج الا تتحملين وتصبرين ولو ان هالشي يخلي الواحد يفقد صبره
ويوم بتنشين الصبح كلي لج بسكوتة وحاولي وجباتج تكون خفيفة ومتفرقة عسب ما تتعب معدتج واتييج اللوعة
وبالنسبة لواير اللاب انا اول مرة اسمع عنه الصراحة .. ماشا ءالله من استويت وانا حامل بعيالي استخدم اللاب وما استوالي شي لان ماحيد فيه اشعاعات ومن هالنوع
وان شاء الله فدتج
مبروك على الحمل والله يثبته وتفرحيبه ان شاء الله
عن اللوعه غناتي حاولي تبتعدين عن الحمضيات وكلي نواشف مثل بسكوت مالح او خبز وشربي الزعتر وايد زين عن اللوعه
اما الواير ليس ما اعتقد انه يأثر
انصحج تسيرين عن الدكتورة بتعطيج حبوب تخفف اللوعة
انا كنت اخذ الفليل حبة صح انها تدوخني لين الصبح بس يوم انش الصبح احس اللوعة وايد تخف عني
وفي حبوب وردية كنت اكلهن الصبح
يالله يارحمن يارحيم يامجيب دعوة المضطر اذا دعاك يامن تقول للشي كن فيكون ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان ويالله ترزق كل محرومه بالحمل السليم عاجل غير آجل آمين يارب العالمين..