تعالو بخبركم عن دكتورة الجلدية الي في مركز كايا

مرحبا خواتي اشحالكم يالدبات ؟

الله يسلمكم امس كان عندي موعد في مركز كايا للبشره ، طبعا بعد تجربتي

الفاشله ويا الدكتوره الفاشله في كوزمسيرج (حطيت موضوع عنهم قبل فتره)

المهم وصلت .. جو العياده تحسين صدق عياده نظيفه .. عطوني استبيان اعبيه

فيه شوية اسئله عن الاشياء الي استخدمها حالياً والمشاكل الي عانيتها و و و

يعني نبذه تاريخيه عنج

عقب يتني الدكتوره الهنديه بنفسها وزقرتني ورحبت فيني بابتسامه وبشاشه <<

وينج يا فاشله تعالي تعلمي كيف تبتسمين في ويه الخلق

قالتلي من شو تعانين ؟ وكانت مهتمه وانا اتكلم وتسمعني وتحرك راسها كأنها

عرفت شو سبب مشكلتي لكن عشان تتأكد خلتني احط ويهي في جهاز يبين نوع

بشرتج ، وقالتلي شو نوع بشرتي وفحصت بشرتي بإيدها مش من بعيد

حكمت .. متعقده انا من الفاشله

وتمت تشرحلي عن اسباب الاكزيما الي عندي وتناقشني حوالي نص ساعه ،

ولاتحسسني انها طفرانه ولا بتشوتني برا شرات هاييج الله يخسها

وعقب عاد انا ماصدقت تميت اسألها واسألها عن كل شي يخطر عبالكم

عن البوتكس والستريتش ماركس والليزر لإزالة الشعر وكل شي ، وقالتي شو

الأوكي وشو اليديد وطبعا سألتني كيف عرفتي عن العياده ؟؟

قلتلها من خلال بنات منتدى سيدات الامارات شوووووووووو تشققت الدكتوره

ههههههه واستانست وقلتلها انا متفائله فيج ولو العلاج ناسبني بخبر البنات

عنج قالت لا من هالناحيه انا متأكده انج بتستانسين من النتيجه

(طبعا انا بس مشكلتي الاكزيما ) قالتلي وايد ناس يوني عشان حب الشباب

والرؤوس السوداء والدهون الزايده في البشره وغيره ، وماستخدمت

الفراكسل لأنه وايد قوي عالبشره وما انصح فيه

هي تستخدم أحماض ومقشرات شبه طبيعيه طبعا انا مافهمت على كلامها كله

تعرفون الاخت في الانجليزي ام سلوم كخخخخ

وعفكره تراها تتكلم بس بالانجليزي .. امممممم وشو بعد .. اسعارهم معقوله

ونصيحه بنات روحولها .. فنانه والله وايد ناس مدحولي اياها ويوم تسألكم وانا

متأكده انها بتسألكم من وين عرفتو العياده ؟ قولولها من المنتدى بتحطكم في

عيونها ماشاءالله عليها وصلتني لين برا وسلمت علي ..

ادعولي