من خلال مروري على عدة مدونة وجدت هذا الموضوع المفيد للكل
وحبيت اني انقله في منتدانا لتعم الفائدة ونتبادل الخبرات
وهذا نداء لكل واحده مرت بمرحلة البناء وانتهت الحمد الله أو تستعد للسكن في بيت العمر خلونا نفكر مع بعض ونساعد بعض
يابنات احنا كلنا عارفين الدوخه الي نمر فيها للتحضير لبيت العمر
والصراحه انا تعبت من التفكير وحابه في هذا الموضوع نتشارك وننصح بعض
والي عندها اي سؤال نساعدها
وكل واحده تقولنا وين واصلين في البناء لحد الآن
طبعا حبيت في الموضوع انه نطرح كل مشاكل او اي نصائح من بداية التصميم
وحتى الانتقال للعيش في المنزل
من اخطاء واجهتكم في التصميم وما اكتشفتوها الا بعد السكن
من اعمال المقاول ، من التشطيبات …………..ألخ
شوفي الغالية
نحن والحمدالله خلصنا من التصميم طبعا قعدنا حول 4 شهور علشان بس التصميم من عدد الغرف والصالات واماكنهم والفتحات والدخلات
ويمن اسبوع بس دخلنها للمناقصه ونتريا بجم بتطلع لنا
ولما نبتدى البناء انشالله بتواصل بالموضوع
وشكرا ع الموضوع الحلو
مرحبا خواتي….
الموضوع وايد حلو…. الصراحة نحتاج مثل هذا المواضيع… لانه فيه فائدة للجميع…
نحن الحين وصلنا في البناء في توفير الطلبات للمقاول من حيث الأرضيات … وطبعا أختج و بو الشباب ما خلينا محلات الرخام و البورسلان والجرانيت و السراميك و سوق التنين … و كل المحلات اللى في الشارقة و دبي…. لاعت جبدي من أسعار المحلات الخيالية ….
وشفت البورسلان البرتغالي شوية اسعاره موافقة تقريبا…حيث يعتبر مثل جودة الاسباني و الايطالي على قوله البائع .. لأنه قال لي ممكن استخدمه للصالات و الغرف والشوروم.
ونصيحة … أي شي صينى للأرضيات لا تقربين صوبة …شكلة و سعره حلو … ولكنه حق ديكور .. نصيحة من ربات بيوت مسوينه وردوا غيروه …
والحين … بعدينى … أدور أرضيات حق البيت …
واذا يا حلوات تدلون أماكن تبيع أرضيات حلوة …. لا تبخلون علي دلونى … و مشكورين فديتكن
حلمي الصغير
عيل انا بعدني في مرحلة دورة الراس مرحلة التصميم بعدني ما نتهيت منه
وكنت بسألج هل حددتوا انتوا للمهندس اماكن توصيلات الكهرباء ولا تركتوا الخيار له ؟؟؟؟؟
alhanoonh
هلا والله فيج اختي ، فعلا موضوع مفيد جدا لأني حصلت مثله في مدونة سعودية
طبعا سوق البنيان عندهم غير واسعارهم بعد غير عنا و حبيت يكون لاهل الامارات موضوع نفسه
يفيد الكل
تدرين الواحد اذا يسأل حد في الواقع نادرا ما احد يدلج على شي او على محلات يخافون التقليد
مع انه كل شخص يحب يكون مميز في بيته و بديكوراته
وبالنسبة للارضيات والله ما عندي فكرة انا بعدني في مرحلة التصميم و ان شاء الله اللي قاعد يشطب
يخبرك بامكن المحلات واسعارهم
بس حبيت اسألج كيف شفتي الفرق في الاسعار بين الامارات و وين ارخص الشارجة ولا مكان ثاني
ونصيحة قريتها في مدونة ثانية
انج تاخذين عينة من الانواع اللي تعجبج للبيت وتجربين تحكينها بمفتاح مثلا و تشوفين انه سهلة الخدش او لأ
و بعدين ترى في انواع تبقع و في انواع بسرعه تطبع يعني تعلم مجرد تحطين ايدج و تعرفين ها شكله بيكون مش حلو
الموضوع رووو ووووووووووووووعه
والف شكر لصاحبته واتوقعه بيكون مرجع حلو ومفيد للكل
الغاليات نحن خلصنا مرحلة التخطيط وباقي المناقصه وتراخيص البلديه
بس عندي اسئله
حد عنده فكره عن الاصانصير واحسن شركه ويكون سعره واشكاله مناسبه؟؟؟
انا بعد بغيت ااخذ ارضيات والحمامات ع ذوووقي يعني مش من عند المقاول
بحكم خبرتكم قولولنا وين نسير في الشارقه ودبي اماكن تستاهل بالاسامي بلييييز وشو الاماكن اللي ما تسوى نروحها عشان مايدور راسنا ع الفاضي؟؟؟؟؟
متابعه قويه للمووووووووضوع
المشاركة الأصلية كتبت بواسطة mazyoona 
عيل انا بعدني في مرحلة دورة الراس مرحلة التصميم بعدني ما نتهيت منه
وكنت بسألج هل حددتوا انتوا للمهندس اماكن توصيلات الكهرباء ولا تركتوا الخيار له ؟؟؟؟؟
أحنا ولله الحمد خلصنا بنا البيت وباقي التشطيبات والمكيفات ،، بالنسبه لسؤالج أحس أحسن أنتم تحددون ، أنا و زوجي حددنا الأماكن عشان عدنا فكره وين بنحط الأجهزه ، المهندس ما عنده فكره عن شكل الأثاث اللي في تخيلكم (أقصد مكتبات التلفزيون والأجهزه)