السلام عليكم
اليوم عندي لكم موضوع مميز و ان شاء الله يعجبكم و هو تجهيزاتي لبعد الطلوع من النفاس
اول شي براويكم هديتي اللي يابها لي ابو لعيال يااااااااااه من كثرهم الا ولدين ……………..
و طبعا استانست و ايد و ما كنت اتوقعها ………….
ها وش رايكم بالتغليف و طبعا ما هان عليه اعقه و استغليته و حطيت فيه مكياجي اللي جمعته شوي شوي و من كل مكان و طبعا اشكر الاخت ام الميث و الشيوخ ع المكياج الحلو اللي خذته من عندها و براويكم له و طبعا المكياج كان اهم شي حبيت اغيره بعد طلوعي من النفاس و بصراحه سويت لي منه مكياج رهيب و ريلي واااااايد عجبه
خذيت الديرماكول من عند الاخت مس شوكلت الله يخليها.. و خذيت الاي لاينر الكريمي الخمس الالوان البني و الازرق و الاسود و البنفسجي و الاخضر طبعا من عند الاخت ام الميث و خذيت من عندها 3 كفر فاونديشن ابصراحه روعه و خذيت اللمعه البيضه للجسم هااااااااااا تراها حركه حلوه اتخليج اتلامعي ههههه وبعد اشتريت البيس و الكونسيلر … و انا رحت محل للمكياج و خذيت الكيك سمر و شدو بن ناي و خذيت القلتر لفوق العين …. و الارواج و المحددات و المسكارا
هاذه هو القلتر لون ابيض و ذهبي … و عداله كريم بعد فيه لمعه و ريحته خبال للجسم و الكريم هديه من عند اختي
و الحين بخبركم عن العنايه اليوميه قبل طلوعي من الاربعين … كنت استخدم كريم الجلسرين للترطيب و كريم شد البطن و لاحظت فرق بسيط .. واستخدمت بعد المشد بس نسيت اصوره ما خذته من المنتدىو اعتقد اسمها ام رايه و الله نيست …..و بديت في خلطه اتبيض بطني و هي كريم روز مع ديرموفيد عندكم في الصوره ……و الشامبو و صابون الفقاقيع للبانيو من عند ربيعتي هديه و اوووووف ريحتهم حلوه الصراحه …..
و هذا الدخون هديه عندي كم و احد كلهن هدايا و هذي عطوري اليديه نصهم هدايا من ريلي لما كنت في بيت الوالدهخذ لي 3 اعطور في اسبوع واااحد و الباقيات كانوا مال العيد و ما لحقت استعملهم و قلت ما بستعملهم الا بعد النفاس …….. و فديت ايد ولدي اللي طالعه في الصوره خبل فيني ما خلاني اصور ع راحتي
و هذي جلابات الدانتيل و الشمدات ياياتني هدايا و قمصان النوم انا شاريتنه واحد نفس جلد الافعى و ايد حلو في اللبس و الباقي تراااااااااااااا مدسوس فضيحه هههههههه
و هاي بعد تنوره …….. وبيجامه حرير مع دانتيل
و البيجامه وووووايد حلوه في اللبس
راقيه و انيقه
و هذا الكعب من اختي هديه من ناين وست واااااايد ساعدني في الكشخه و طلع رهيب مع قميص النوم و احسني رشيقه لمن لبسته ………
و اخر شي اشتريت القباضات ………
و هذي نهاية رحلتي معاكم …….. اخر شي سويته اني عزمته في المطعم و انا اللي دفعت ……. بس اشياء وايد ما سويتها مثل احضار كفر يديد بس استعملت الكفر اللي يبته من المغسله … و ما سويت له اي تغير في الغرفه بس نظفتها عدل لضيق الوقت …. و طبعا كان نونوتي مزعج و تم يغني طول الليل ,, و اممم و اتحنيت و حفيت و سشورت شعري و طبعا غيرت مكياجي و سويت لوك عرايس و سادحه الشعر على كتوفي و كان شعري طولان شوي و اتعطرت و اهم شي كان لوكي واااااااااااااايد غير و عجبته ههههههههههه
و اللي تعرف اتعدل موضوعي و اتصغر لي الصور شوي يزاها الله خير
ما شاء الله عليج وحمد الله ع السلامه
بصراااحه التغليف يهبل ويشد الانظار
وتتهنين بالاغراض……………………
حلو ما شاء الله000
الله يوفقج حبوبه ويسعدج
حبيت اللبس اللي على شكل يلد الأفعى . . 
ألف مبروك حبيبتي على الهدايا وتستاهلين السلامة
تتهنين ان شاالله
ما شاء الله عليج وحمد الله ع السلامه
بصراااحه التغليف يهبل ويشد الانظار
وتتهنين بالاغراض……………………