السلام عليكم
خلونا فهالصفحة نتبادل الاقتراحات والآراء عشان تكون اجازة العيد غير…..
بصراحة الواحد تعبان من ضغط الشغل وتعبان من ضغوطات الحياة بصفة عامة
وبالنسبة لي فاجازة الصيف خفت من مرض انفلونزا الخنازير على بنتي وما سافرت وهاللي خلا نفسيتي فالحضيض
فقلت لازم ارتب حق اجازة العيد بشكل حلو
احيانا اقول بنحجز في مبزرة واحيانا اقول نحجز البحرين بس الكل قالي البحرين حلوة حق تسوق
وانا ابا طبيعة وخضرة مع انه خاطري بالبحرين وذهبها بس الميزانية ما تسمح خخخخخخ
المهم خبروني شو اقتراحاتكم لهالاجازة
والله أفضل أحوط في البلاد أفضل
خاصة ان الجو بدأ يعتدل
وبقضيها بين دبي والشارجة وخور فكان والفجيرة
والله محتارة بين السفر للخارج والسياحة الداخلية
بين دبي مع اني من دبي بس لازم ايرب فنادقها تعيبني
ودبا الفجيرة إذا الله راد
مشكورات حبيباتي على الرد
المشكلة انه فنادق البلاد تستوي نااااااااااااار في الشتا يوم يبدا الجو يتعدل
الواحد يسافر احسن له
ناوين نسافر ان شاء الله بس للحين مب عارفين وين …
مادري شو بلاهم فنادقنا اتخبلوا ع الاسعار والله ناااااااااااااااااااااار
فوق الالف حق الليلة الوحدة واللي عنده عيال ويبا يحجز غرفتين يعني 3 أو 4 ايام ندفع مع الحواطة فوق 10 الاف
والخييييييييبة والواحد يخاف يسافر
مادري للحين محتارين