مثل مو واضح من العنوان يا ريت كل وحدة بدأت بدايت وكملت واستفادت تخبرنا بتجربتها حتى نتشجع كلنا .
نقرأ مواضيع كثيرة وسرعان ما توقف وتنتهي بالفشل , نحتاج للتجارب الناجحة حتى نتشجع .
والسلام نهاية الكلام .
؟؟؟؟؟؟؟؟؟؟
معقول ما في حد نجح بانقاص وزنه !!!!!!!!
انا بخبرج باختصار ..
يوم دشيت الجامعه كان وزني تقريبا 60 … و تخيلي في السنة الدراسية الاولى زدت 18 كيلو .. وصلت 78 !!!!!!! تخيلي بس .. هههههههه انتفخت .. كله كنت اكل فرنش فرايس و سلطة مايونيز … و ناقتس و اشرب من البيبسي تقريبا 4 مرات في اليوم ….. يعني نظام سيء جدا ..
المهم انتبهت اني متنت .. (زين يوم انتبهتي خخخخ ) و سرت عند دكتور عادل عبدالعال .. هالكلام سنة 2024 .. تميت عنده تقريبا 6 شهور او اقل .. و نقصت 8 تقريبا .. يعني وصلت ال70 …. عقب قمت اسوي رياضه بروحي و ريجيمات .. مره كيميائي و مره بدون اكل .. و مره سوائل … بس تميت يعني بين ال67 و ال70 فوق تحت …. بعدين عقب سنتين تقريبا سرت عند دكتور نيوترشن اول ما فتح في الشارجة .. تقريبا 2024 .. تميت عنده يمكن شهرين لاعت جبدي من نظامه و من حبوبه … بس نقصت عنده لين 65 … عقب ودرته و رديت لرجيمات الحرمان و عقب جربت abs diet.. ووصلت 59 .. و يوم عرست صيف 2024 كان وزني تقريبا 61 … و حملت و ربيت .. و الحين وزني وصل 65 … (زدت في فترة الحمل 13 كيلو) … و الحين رديت لabs diet و ابا اوصل 58 ..
الله يقوينا و يصبرنا على الرجيمات 
انا خففت اكلت وكنت امشي واسوي ايروبيك
ونقصت يعني جسمي انشد الحمدلله وكل اللي يشوقني يقول اني ضعفت وهذا كله بفضل الله ثم بفضل ارادتي والرياضة
انا لي تجربه من بعد انجابي تقريبا من سنتين سويت دايت البروتينات والحمدلله نقصت 20 كيلو مع الرياضه والتخفيف ابتعدت عن الكربوهيدرات مش نهائيا لكن عيوش ماشي معكرونه خبز الا سليس وخبز عربي .. لكن نقصتهم في مده طويله لكن وااايد احسن لا ترهلات ولا شي …
وحاليا من ثمان شهور مربيه وزدت اللي نقصتهم كلهم لكن الحمدلله قدرت انقص 14 كيلو من دون تعب على فتره ها الثمان شهور … وابغي انقص عشره زياده