تعالوا تعالوا يا حريم شوفوا هالمصيبه

كل عاام وأنتوا بخير ورمضاان كريم

احم احم يااا حريم تدروون أنا متزوجة قريب يعني تقريبا من 4 شهور والحين حامل ( شادة حيلي هههههههههه)

بنااات ريلي يووم ميلادة الاسبووع اليااي وهذا اول ميلاد يمر علينا واحنا متزوجين ومحتاارة شو أسووي له

المشكلة والفضيحة انه يووم ميلاده برمضاان يعني لاازم نكون محترمييين هههههههه

وابغى اسويله شي حلووو ويتفاجئ فيه حتى لو يكلفني حيااتي>>>>> أونهاااا عاااد جذاابه

مخمخواا شوي وفكروااا وياااي يالغاليين وقولولي افكاار جهنمية

وهل أأجل هاليووم او اسويه بيوومه ؟؟؟؟؟

وكيف الطريقه اللي بخبره يااهاا اني اجلت هاليووم

انا افكر اطرشله مسج كالتالي :_

" لقد تم تأجيل الحفل الخاص بيوم ميلاد أغلى البشر وذلك حفاظا على الشهر الكريم"
وهذا وقد سنوفيكم بالموعد والمكان والزمان قريبا ان شاء الله"

………….

هااا شوورواا علي

يعني انتي ادرى فيه…شو يحب..او شو ناقصنه..اواذا خاطره بشي اشتري له هالشي..وفاجئيه..

هذي الامور خاصه بين الزوجين حتى الاهل مايدرون شو سويتوا او شو قلتوا..اوكي يعرفون انكم احتفلتوا بالمناسبه

هذي..بس شو صااااااااااااااااااااااار…محد له حق يعرف…وانتي بعدج عروس..يعني لازم تتفنين له..

وصدقيني يا الغاليه يوم تيي الفكره منج والتنفيذ بيكون لها طابع خاص…مب من وحده ثانيه..اتمنى انج فهمتي قصدي

وربي يسعدج…ويثبت حملج…((وعلى فكره عادي احتفلوا ..وعطيه هديه برمضان ))

عادي حبوبه خذيله كيكه صغيره .. بس نصيحه سويه قبله بيوم يعني ليلة ميلاده

خذيله كيكه وهديه وحطيله بالغرفه وزيني غرفتج

ما فيها شي انتي بتشاركينه المناسبه بها اليوم … وما فيها شي لو في رمضان

اختي انا بقوولج رووحي دار البر وسويله وقف خيري _حفر بئر باسمه

واهم بيعطووونج الورقه ومكتوب اسمه والدوله اللي بيسون فيها الوقف وانتي عاد رووحي المحمصه وخذيله ورده و

ولا باقه ورود وعزميه على مطعم ويوم توصلين المطعم قوليله انج نااسيه الشنطه ولا اي شي ف الموتر خليه يرووح يدور ف الموتر ويوف شفتيه ظهر

وحطي الاغرض ع الطاووله يوم تحسين ان اهو قريب رووحي انخشي ف عج الله ف الحمام ولا اي مكاان

واهو يووم بيشوفهم بيتفاجئ واكيد بيفتحهم بس حطي كرت صغير وكتبيه عليه اسمج ولا اي شي عسبت يعرف انها منج

اممممممممممم
الهديه حاوليه تخشينها ف اي مكاان عسبت ما يشووفها

يعني مثلاا خذيه ويااج شنطه كبيره وحطي فيهم الاغراض

وعقب رمضاان سويله مفاجأه يعني مثلا يوم الخميس انتي حجزي ف فندق وجهزي كل شي ورووحي

الفندق وخليها تكوون ليله حمره

وسوي كل شي احمر ف احمر ورووحي الصالون واتمكيجي واتعدلي وخذيلج قميص نووم رااقي

وسويله كيك

وانتي كتبي ع تواليت الحجره بالروج انج ف الفندق الفلاني وانتي تترينه هالسااعه واكيد بيتصل بج وانتي قوليله خله ايه