بنات انا ابي اسوي غرفه طعام بس تقليديه عاديه يعني ما ابي طاوله وكراسي وجي لااا انا عندي حجره وصبغتهااا وهي تابعه لميلس الحريم يعني القعده في الميلس وحزه الاكل ندخل هالغرفه والاكل ابي احطيه على سفره ع الارض مب ع طاوله ان شاء الله فاهميني المهم شو الي احطيه في هالحجزره من اكسسوارات وفي الزوايه مثلا الله يخليكم الي عندها افكار تفيدني بليييييييييز
مرحبا الغاليه
يعني هل الغرفه تبينها غرفه طعام لهل البيت ولا للحريم …؟
تقدرين تحطين فيها طندوق او مندوس فيه سياييد للصلاه مع الشيل بس يكون الصندوق مرتب ومعدل وفنفس الوقت مناسب للديكور وتقدرين تحطيين فالغرفه خزاين بتلقيين منهن فهوم
سنتر او حول الامارات يناسبن غرف الطعام وترتبين فيهن اطق الصحون والاكواب ويعطيج ديكور فنفس الوقت
واكيد تحطين زوليه ولوح وترومين تحطين كرسيين مع طاوله وتاخذين مزهريات كبار بعد موجودات فهوم سنتر وهوم آر اس انواع واشكال وتروميين بعد تحطين يلسه عربيه
وبالتوفيق اختي
انا اقولج حطي في الزوايه
ورود واشجار مجففه.ز
وااايد يحلي الغرفه
بنااات بليز بعد ابي افكار اكثر
انا اقدر اعطيج بعض الافكار و اختاري اللي تبينه منها :
1- تسوين فيها جلسه عربيه على جن و اذا كانت الغرفه كبيره تقدرين اتسوين فيها جلسه عربي على اطراف الغرفه بحيث اذا بغيتي تحطين السفره للأكل يكون في الوسط و يكو المكان كافي للضيوف يعني انتي اللي تحددين, وممكن تستغلينها كميلس للظيوف من الاهل بدل ما تفتحين الميلس الكبير و بهالطريقه تحافظين على ميلسج دايما نظيف ومرتب , و في بعض الاحيان الظيوف يكون معاهم عيالهم ممكن تستغلينه لليلسة العيال منها يكون جريب من هلهم و منها تحافظين على نظافة بيتج.
2- ممكن تحطين فيها صندوق وتحطين فيه سجادات الصلاه و تستغلينها كغرفه للصلاه للظيوف بدل ما يدخلون غرفكم او انهم يصلون في الميلس.
3- اختاري الوان تكون غامقه شوي او يغلب عليها اللون الغامق .
4- ممكن اتحطين فيها تيلفزيون يمكن تحتاجين اتشوفين شي او تعرضين شي على ربعج لأن انا ما اايد وضع تلفزيون في الميلس .
اتمنى اني قدرت افيدج
(احب دبي) فديتج والله ماقصرتي