السلام عليكم …
هلا بناات شحالكن .؟
بالاول ادعولي الله يسهل على ولادتي لاني الحين بشهري الاخير.. ومو باقي الا القليل …ولله الحمد ..
ثاني شي ابي اعرف شو الاعراض اللي تكوون قبل الولاده بيوم او يومين ؟؟
عسب اتهيأ للولاده ….
تسلمين اختي عالموضوع وانا بعد ماباقيلي شي واريد استفيد شراتج
بالنسبة لي انا والعياذ بالله من انا
ياني ويع تم وياي ثلاث ايانم مثل اللام الدوره ويع في اسفل البطن والفخذ وتميت ثلاث ايام علي هالحال ..
قاموا يقولولي بعده موعد ولادتج ولازم بطنج ينزل .. لكن بطني كان مرتفع .. ما نزل وانا اقولهم اتويع الم دوره وكانت دكتورتي مسافره فاضطريت اسير عند دكتوره غج.. كشفت علي وقالتلي بعده موعدج .. مطول
ما مر اليوم الثاني من كثر ما مشيت نزل علي الماي وياني عقبها ويع اخس عن الويع اللي ياني في الايام الثلاث اللي طافن .. وسرت المستشفى قالولي ولادة …
والحمدالله رب العالمين
الله يسهل عليكن خواتي وعلي بعد ادعولي بالسهاله …
اااااااممممممممم
قبل ثلاث ايام من ولادتـــــــي
فتحولي الريط..
و طول هالثلاث اياااااام احس انه بطني كل ماله ينزل…
و فاليوم الثالث اول ما قمت من الرقاااااااااد حسيت بشي ينزل "كرمكن الله" بين اريولي
اقول معقوله ابول بلاشعوووووور!!!
طلع الماي مال البيبي ينزل يوم اتحرك بس..
صبرت لييييييييييييين العصر و سرت المستشفى و قالت الدكتوره هذا الماااي مال البيبي بس انا كنت ما احس باي وييييييييع
ف قررت اني اطلع و اسير البيت …
ركبت السياااااااااااره انا و الوالده و كان ابويه اللي امودني…
"انا ساكنه ف عيمان و اسير مستشفى دبي"
اتخيلوا عاااااااد الدرب كان اوكي بس حسيته طويييييل لاني كنت احس بالاوياااااع اتزيييييييد على كل لفه و مطبه ^_^
و من وصلت البيت و نزلت من السياره بعدني فالكرااااااااج
جاااااااااااان ينزل المااااااااااي و استوت تحتي بقطعه عوووووده اتروعت و زقرت امايه…
و ردينا ركبنا السياره و رجعنا عالمستشفى "كان ابويه عنده راااااااااالي بين السياااااااايييير"
ههههههههههه
الله يوقمكن انشالله ع خييييييييير
و يرزقنا الذريه الصالحــــــه ^_^
انا قبل اسبوع نزلي ماي اشوي مو وايد وتم بطني يعورني ويوم ثاني بعد نفس شي بعدين راااح
والحين الحمدالله ماياني شي
اانا كنت اول شي احس بألام خفيفه في اسف البطن بس كنت مطنشه واتحسب عادي وبالصدفه دخلت الحمام وانت تكرمون شفت في ملابسي قطرتين دم استغربت قلت شو السالفه انا حامل مستحيل هاي الدوره وكان الدم غير مو مثل الدوره فاتح واااايد المهم زغت وخبرت ريلي وهو عاد ماصدق اتصل في امه وخبرها فشلني خخخخ المهم قالت له حرمتك اليوم ولا باجر بتربي … وتم الويع يزيد شوي شوي تميت لين اليوم الثاني بليل ريلي راقد وانا مب قادره ارقد من الويع تميت اتقلب لين الساعه 3 وعقب حسيت خلاص فيني صيييياح ووعيت ريلي وخبرته وبعدين خبرت امي وودوني المستشفى وتميت اهناك لين الظهر وربيت … اما الماي مانصب عني الدكتورة هي اللي طرت الكيس فانصب .. هو غالبا الماي او الدم يكومن العلامات الاكيده للولاده واكيد اللام .
انا بعد نزل علي دم خفيف وخبرت امي قالتلي ان اليوم ولا الفجر بتربين واترريتت لين في الليل طبعا عطتني الوالده خروع ويا عصير البرتقال ومن عقبها بدى الويع يشتغل كلساعة كل نص ساعه كل عشرين دقيقة وبعدين عاد سرت المستشفى تميت من الساعة 12 الين 2 اتويع على الساعة 6 الفجر ربيت