http://forum.uaewomen.net/showthread.php?t=549386 هذا موضوعي الي كنت طارحتنه قبل ما اربي
والحمدلله ريبت تقريبا من أكثر من شهر ويبت أحلى بنوته الله يبارك فيها ويخليها…انا ما بكتب قصة ولادتي مثل ما يسوي الكل لاني اكتشفت انه كل القصص الي قريتها غير عن قصة ولادتي…وهذا كان اول حمل لي…وكنت اتأثر بكل قصة اقراها…وقصة ولادتي غيير…المهم اكتشفت انه كل وحده فينا تختلف تفاصيل ولادتها عن الثانية لان من كثر ما قريت كنت اتريا يستوي لي مثل ما ستوى حق الباجين…بس بقول لكم نصايح قبل ماتربون..اول شي الرضاعه لاااااازم اتحطين زيت زيتون على صدرج كل يوم في فترةالحمل وتسويين تدليك عشان لمل اترضعيين ما يتقطع صدرج عليج مثل ما ستوى لي..واايد تعبت من هاي السالفة..كنت وايد خايفه من الولادة بس الحمدلله ساعات ومرت..وصدقوني الله بيسر الامور…شي ثاني في مستشفى الوصل الي تبغي تحتفظ دم المشيمه اتقدم طلب للمستشفى قبل ما تربي ياخذون عنج 1000درهم وبعد ماتربين ياخذومها ويشوفون اذا فيه مجال تتخزن واذا اوكيه ياخذون 8000درهم ويحتفظون بها 20سنة…بتقولون ليش…سبحان الله دم المشيمه يعالج امراض وااااااااااااااااايده بيعطونج ورقة عن كل الامراض..ولكل العايلة الي فصيلة دمهم نفس الشي..انا مع الاسف عرفت متأخرة..الي تبغي اتعرف زيادة تسال الدكتورة لمل يكون عندها موعد..
على فكرة دعيت حق كل وحده في غرفة الولادة دخلت موضوعي الي كنت حاطتنه قبل ما اربي..واظني اذا ماكنت ناسية دعيت حق كل بنات المنتدى الحمل..
اهم شي دعيتيلي خخخخخ
الحمد الله ع السلامه يالغلا وتتربى فعزكم
اول مره اسمع عن دم المشيمه شو الفايده منها؟؟
مبروك ما ياج وتتربى في عزج…
ألف ألف ألف مبرررررررررررروك
والحمدالله على سلامتج وسلامة النونوووو
الف الف مبروك حبيبتي
ومبروك ما ياج
ولا تحرمينا من دعواتج
مبروك ماياج
مبروووووووك مايااج وتتربى فعزج وعز ابوها ان شااء الله 