بقولكم مشكلة ربيعتي معرسة من 5 شهور ،، أبوها يتدخل فحياتها وقرر انها تسكن بيت اهل ريلها مع انها متفقه مع ريلها انها تروح معاه دبي مكان شغله وثاني شي خلاها تشتغل بمكان تكرهه غصبا عنها وهي مب مرتاحه بالشغل خير شررر، والحرمة حملت وسقطت من كثر ما كان يغصص عيشتهاا والحين قطعت علاقتها فيه لانه يدمر نفسيتها يوم عن يوم علما انها قبل الزوااج كانت تبا تفتك منه لانه تعامله زفت ويحب يتحكم .. زووج الحرمة واايد مسالم وما يبا يدخل بينها وبين اهلها
السلام عليكم
هلا اختي حياك الله وجزاك الله خير على مساعدتك لربيعتك
اول شي حبيبتي خليها تحتسب الأجر من رب العالمين على تحمل اذى والدها
ومافي شي يضيع عند رب العالمين
وخليها تساير ابوها بكل شي يعني ابشر يبه من عيوني اللي تامر
وخليها تسوي اللي هي تبي واذا سألها ليش ماسويتي اللي قلت لك خليها تجيب أي عذر مايحتاج فيه نقاش
يعني مثلاً ما امداني اسويه وابشر مرة ثانية
ولا تجيب أي طاري لحياتها عند ابوها ابد ابد
حتى لو بتسافر لاتقوله واذا قال ليش ماقلتي لي
تقول جت السفرة فجأة عسب شغل زوجي وجي
وهي الحين خليها تسافر ويا زوجها لشغله
ولسألها ابوها او هاوشها خليها تقول بنرد بعد يومين
وبعد يومين تقول مادري مددوها لكن بنرد قريب
يعني تماشي حياتها جي
وخليها تدعي ربي اهم شي يصلح حالها ويخلي لها زوجها
وانتبهي زوجها يعرف على اللي يصير بينها وبين ابوها ابد لاتبين له
لان لازم تبين لزوجها ان وراها عزوة وظهر تستند عليه عسب مايستصغرها
وطمنينا على ربيعتك حبيبتي
موفقه 
المشكله ان ابوها يتصل لريلها ويشتكي له ويقوله لا اتخليها تعيش معاك مكان شغلك واي شي الاب يتصل له ويتدخل
البنت شورها عند ريلها ودامها ف بيت ريلها
تخبر ريلها وتخليه يساعدها من هالناحيه ويفهم
ابوها انها حرمته وهاي حياتهم الخاصه وما يبا
حد يتدخل، ومب لازم تخبر ابوها بكل شي، اي
شي يصير وياها تقول انه ريلها يبا هالشي وخلاص
ونفس الوقت تحاول انها ما تزعل ابوها يعني تفهمه
انه ريلها جي يبا وما تقدر تغير رايه لين ما يقتنع
الاب انه ما يقدر يغصبها ع شي وانه شورها عند ريلها
الواحد يحتار منو يرضي ف هالحاله بس
الله يعينها وييسر امورها
غريبه ابوهاا .. يمكن عنده هلبنت ويخاف عليها وبحسب انه ع صح ..
اذا تم ابوها يدخل فحياتها احس بيفترقون يعني اذا صارت مشكله بينهم له حق يدخل
بس ع كل شي ماله داعي بصراحه …
خليها ترمس امها وتقولها كلمي ابوي مايدخل فكل شي انا متزوجه واعرف الصح من الغلط ..
وبتوفيق حبيبتي ..
خلاص اطنش الموضوع شوي
و تسكن ف سكن مستقل و تقول له حبيبي ابوي ريلي كان يبغي جي و مب بيدي
و تغير شغلها
و تسوي اللي تبغيه
وما تخبره
في نوعية ابهات يحبون عيالها بس يبغون يتحكمون فيهم وانا لاحظت ها الشي ف بعض الابهات
يبغي لهم تطنيش اقصد اسمعي من هني و طلعي من الاذن الثانية ولا تزعلين
تبتعد عن ابوها وريلها يتفهم الوضع ابعد عن اهلك يحبوك ,,,