انا حامل 22 اسبوع الحين و لله الحمد
بس عندي مشكلة باسناني معورتني لدرجة انا ما اروم ارقد فليل ومتاكدة انو عندي ضرس يبالا سحب عصب
بس خايفة اروح لطبيب الاسنان لاني دائما اسمع انو البنج يضر الحامل وكلما اشوف وحدة حامل تتخوف من زيارة طبيب الاسنان لانه العلاج قد يضر الجنين
ياريت لو عدكم خبرة و لا في وحدة عالجت اسنانها و هي حامل تخبرني شو اسوي
تراني تعبانة حيييل بيعوروني واااييييد والله بعيد عنكم
و جزاكم الله كل خير حبيباتي
انا اللي اعرفه البنج يضر بالحامل اختيه
انا عليه اجلع ضرسي عسب اشد التقويم بس ما طعت أجلت الموضوع لبعد الولادة ان شاء الله
اسالي الدكتورة احسن
هممممم انا يوم كنت فالشهر الرابع رحت قالتلي جلع وان بعطيج مخدر ع خفيف
بس عقب قالتلي انتي شكلج تعبان واخاف اجلع ويصب دم وانتي بروحج مافيج دم
جان اقولها مشكوره مابا وعطتني حبوب بس ما استخدمتهن تروعت
واذكر ان الدكتوره قالت الين الشهر 6 اروم اعالجج بس عقب ماروم
روحي انتي وشوفي واذا حسيتي انه في شي هب اوكي لاتخلينهم سبشلي البنج الي اعرفه انه هب زين
انا اللي اعرفه انه مايصير يعالجونج مع بنج !!
تراني مثلج بداية ويع واخاف يزيد علي بعدين 
شكلي بتحمل الويع لحد ما اربي ان شاء الله
الله يصبرنييييييي
انا فيا ويع فضروسي من كمن يوم ويوم سالت دكتورتي مالت الحمل قالتلي عادي بنج واعرف ربيعتي يوم كانت حامل سوولها بنج فضروسها والحمدلله ولدها مافيه شي بس لازم تقول لدكتور الاسنان انج حامل وجوفيه شو بيقولج بس احس مابترومين تتحملين لين ماتربين بتتعبين..واسالي بعد وجوفي..
هلا اختي ادا انتي من بوظبي روحي لدكتورة الاسنان بالكورنيش انا كنت اتابع عندها بحملي الاول بس صراحه ما جلعت شي بس اهي بتفيدج احسن مناو الله يسر لج امورج ان شاء الله