انا بكل اختصار موظفة وام لطفلين اعيش مع اهل زوجي المهم اني اخلي عيالي الصغار ويا الخدامة بس عمتي ام ريلي تراقبها حتى حميتي في البيت عاطله عن العمل بس بعد اتشوف عيالي والحين بتيني خدامةفلبينية يديدة اول مرة تشتغل برع بلادها وراح احط كاميرة مراقبة في غرفتي بس قرررررت
وقرررررت
وقرررررت
وقررررررت
اني
…..
؟؟؟؟
اني اخبر الخدامة ان عندي كاميرة اراقبها فيها وانا في الدوام يعني لايف
لاني قلت في نفسي لو ما خبرتها بتسوي عمايلها ويا العيال بس لو تعرف ان في حد يراقبها 24 ساعة بتخاف ومستحيل تسوي شي
وكل ما ارد من الدوام براويها شو سوت في ها اليوم طبعا انا مهب من النوع اللي يخوف الخدامات او اني اجرح بالعكس اطيب مني ويا الخدامات مافي…. ويوم براويها التسجيل ما براويها بطريقة مستفزة بالعكس براويها بضحك الا اذا سوت شي غلط…
وانا احس ان يوم تخبرين الخدامة ان في اجهزة مراقبة وايد احسن تخافولو ما خبرتيها شو الفايدة بتسوي اللي تباه وانت يادوب اذا رمت تشوفينها في الدوام او اذا تفيجتي عاد ذيك الساعة ما ينفع الندم
ما ادري هذا راي ولا شو رايكم؟؟؟؟؟؟؟؟
بصراحة أنا اخلي بناتي عند أمي أأمن من الخدامة , و ما دام عمتج و حميتج موجودين عن اليهال في رايي الشخصي ما تحتاجين الى كاميرا
أنا بعد فكرت في هالشي…الخدامة يوم بتحس إنه في حد يراقبها بتخاف.. علشان جذيه بقولها أنا حاطة كاميرات في كل مكان في البيت…بخليها تمشي وهي تلفت حواليها خخخخخخخخخ
الدعاء لهم قبل خروجج من المنزل بيكفي انشاء الله
انا افضل انج ماتخبرينها شو الفايده عيل عشان تعرفين طينتها
ولو عرفت في كاميرا وهي مب زينه وما تعامل اليهال زين بتوديهم مكان مافي كاميرا وبتاخذ راحتها عادي ولا بتشوفينها ولا شي
فالافضل ماتخبرينها عشان تعرفينها عدل
لانه الانسان لما يعرف انه في مكان مراقب بيحسن التصرف غصبن عنه وطيب اذا راح ماغي مكان مراقب شو ممكن يسوي ؟؟؟؟؟
خبريها
مرة درست نظرية تقول انه لازم السجين يكون في سجن من زجاج يعرف ان الكل يعرف تصرفاتها و بالتالي بينضبط
فلو قلتي لها انج تراقبينها بتضمنين انها تؤدي عملها و تراقب عيالج زين
لكن لو ما قلتي لها باي لحظة بتضرب او بتسرق او تهمل و بالنهاية بتتسفر و انتي اللي بتتخسرين و بتييبين غيرها
لا أختي خبريها بس ما في داعي إنج تروينها بعدين إلي سوته بطريقة الضحك مثل ما تقولين لانه هالشي يمكن يخليها تمل من الشغل أنتي بس قوليلها وخلاص وإذا سبحان الله سوت شي ما عيبج عادي قوليلها ليش أنتي سويتي جيه الصبح وأنا في الدوام نسيتي أني حاطة كاميرا ،،،،،
