السلام عليكم ورحمة الله وبركاته
خطر على بالي هذا السؤال
اليوم عندي ربيعه تشتغل وتوفت ربيعتها بحادث كانوا رايحين رحله لعمان وماتوا في الطريق
البنت صغيره متزوجه قريب
وكانوا على كلامها يحبونها في الدوام خفيفه على القلب وفي الشغل
وصارت بيني بينها محادثه عن الموضوع ان الواحد مايعرف متى بيموت وكيف بيقابل ربه
وكيف ناس يتمنون الموت بس يمكن الله معطيهم فرصه عشان يعيشون ويحسنون من نفوسهم
انا كان ردي اني ماخاف من الموت لاني رايحه عند الله واعرف انه عادل ومؤمنه به
بس انحرف النقاش لموضوع اكبر ان ماحد يعرف كيف بيلاقي ربه
يعني انا الحين اقول مب خايفه من الموت بس مااعرف في السؤال كيف بجاوب يمكن لساني ينشل
لاني انا دوم عندي هذي الحال حتى في الحياه العامه ماخاف من الشي اخوضه حتى لو مااعرفه
وبعدين اوقع في مصيبه!!!!!
فحسيت اني فعلا نوعا ما مستهتره باشياء حتى في هذي
بس كل واحد على نيته
بس انتوا كيف
؟؟؟؟؟؟
تفكرون بهذا الشي تخافون الموت؟ولا تحبون الحياه وتريدون تعيشونها ويمكن تعتبرونها فرصه كل يوم عشان تبون وتصلحون من عماركم
وهل انتم مستعدون للقاء الكبير
ولا تحسون هذا الشي مب بيدكم
يعني مهما الواحد عمل من اعمال والدنيا هي دار اجتهاد
بالاخير هو مايعرف شو مصيره يعني هل العمل متقبل ولا هل الله بيرحمه
شو رايكم؟!
بمعنى شو المساحه من التفكير الي عندكم لهذا الموضوع
اعطونى اياها
وثاني شي لفت انتباهي الذكر الحسن بعد الموت
يعني تحسون ان بعد ماتموتون في ناس كثيره بتذكركم بالخير؟!
يعني حتى في ناس بينكم وبينهم مشاكل
او مثل في مقر العمل ويمكن بعد وفاتكم يرتاحون تحسون
شو رايكم ؟!
مرة قريت قصة واحد توفت حرمته راح قام يرقص مبسوط لانها كانت متعبتنه!
شورياكم مرات في بعض الناس مب قصدهم يعذوبون بس انت تحس فرقتهم احسن
ماقصدي والله شر بس شو شعورك لو كنت من الناس الي الناس تحب فرقتها اكثر من صحبتها؟!
والله موضوع حلو… انا عن نفسي من افكر في الموت اي افبالي عيالي وبعدها ادعي ربي يطول افعمري عشان اربيهم ع الاقل لين الواحد يشل عمره ويغدي شباب مايحتاجني بيتزوج وبيلتهي بعياله وحرمته بس عني مافكر اني اريد اعيش لنفسي مع اني احب الحياة والحمدلله مواضبة ع صلاتي واشتاق للرسول صلى الله عليه وسلم شفيعنا يوم القيامه ولربي يمكن ما اكون ملتزمة لكني ايماني ولله الحمد كل ماكبرت يزيد ويقوى,, بس كل همي عيالي وغير عيالي ادعي ربي يطول افعمر امي وبوي ويرحم كل مسلم ..اللهم آميين..
يااالله سؤالج وايد حلو انا قبل كنت اقول ما اخاف من الموت بس يوم الله رزقني بعيالي وشفت عمري احبهم وايد
صرت اقول يارب طول بعمري لين يكبرون واطمن عليهم يفهمون الحياة وما استامنهم عند حد يعني الشي الي يخليني اتعلق بالدنيا خوفي من مفارق عيالي بعد عمرن طويل يارب وفنفس الوقت اخاف لانه شي مجهول مانعرف شو يصير بعد الموت
اختي موضوعج حلو ويخوف ومابيرقدني اليوم تقبلي مروري وتحياتي
الموت هو مصيرنا كلنا ولا نعرف كيف بتكون الخاتمه
فدائما وابدا رددو اللهم لا تميتنا الا وانت راضى عنا
وكان الرسول صل الله عليه وسلم يقول اللهم يا مقلب القلوب
ثبت قلبي على دينك
احب أني أعيش عسب أزيد من عمل الخير و اكسب الحسنات
و احب الموت لاني بلقى ربي و رسولي و ابوي الله يرحمه بأذن الله تعالى
عيالنا ربج رؤوف رحيم بهم لو ربي قبض أرواحنا بس الام تكون ارحم من الباقيين على عيالنا
ما أخاف الموت لان الكل راح بييه اجله اليوم او باجر او عقب سنة او اكثر المهم شو أعددنا حق هاليوم
اللهم يا مقلب القلوب
ثبت قلبي على دينك